Tags-Pani

havā lahroñ pe likhtī hai to paanī par tahrīr kartā hai
ki ham farzand-e-ādam kī tarah sab naqsh-gar haiñ

sub.h-dam surḳh ujālā hai khule paanī meñ
chāñd kī laash kahīñ se bhī ubhar saktī hai

dekh kar har uzv un kā dil ho paanī bah chalā
khol chhātī be-takalluf jab nahā.eñ baaġh meñ

ye kaisā shahr hai maiñ kis ajā.ib-ghar meñ rahtā huuñ
maiñ kis kī aañkh kā paanī huuñ kis patthar meñ rahtā huuñ

jab se us kī aañkh meñ aañsū dekhe haiñ
tab se mujh ko paanī se Dar lagtā hai

paanī pī pī ke tauba kartā huuñ
pārsā.ī sī pārsā.ī hai

ye ab gharoñ meñ na paanī na dhuup hai na jagah
zamīñ ne 'talḳh' ye shahroñ ko bad-duā dī hai

duur se dekho to ye dariyā hai paanī kī lakīr
mauj meñ aayā to jañgal bhī bahā kar le gayā

mujh musāfir ke kisī ne hargiz
garm paanī se na dhulvā.e paañv

jā.ūñ kahāñ ki taab nahīñ arz-e-naġhma kī
paanī meñ aag lag ga.ī patthar pighal gayā

ham ishq tere haath se kyā kyā na dekhīñ hālateñ
dekh āb-dīda ḳhuuñ na ho ḳhūn-e-jigar paanī na kar

ruuh kī pyaas bujhānā koī āsān na thā
saaf paanī baḌe gahre meñ milā thā mujh ko

sañg-e-sahrā meñ thī dariyā kī numūd
sañg-e-sahrā meñ ziyāñ paanī kā thā

sab junūn-o-azm kāġhaz kashtiyāñ
sāmnā jab be-karāñ paanī kā thā

ret par mujh ko gumāñ paanī kā thā
sabr merā imtihāñ paanī kā thā

ik sunahrī fāḳhta thī par-kushā
jab ye be-samt āsmāñ paanī kā thā

aag bhī barsī daraḳhtoñ par vahīñ
kaal bastī meñ jahāñ paanī kā thā

yuuñ milī sailāb meñ jā-e-panāh
sar pe mere sā.ebāñ paanī kā thā

ham ko ik baar kināroñ se nikal jaane do
phir to sailāb ke paanī kī tarah phaileñge

koī lakīr sī paanī kī jhilmilātī hai
kabhī kabhī mire matrūk ābshār ke biich