Tags-Phool

kahte haiñ kabhī gosht na khātā thā ma.arrī
phal-phūl pe kartā thā hamesha guzar-auqāt

siyāh-baḳhtoñ ko yuuñ baaġh se nikāl ai charḳh
ki chaar phuul to dāman meñ hoñ sipar kī tarah

zindagī gulshan meñ bhī dushvār hai tere baġhair
is chaman kā phuul bhī ik ḳhaar hai tere baġhair

chand tasvīreñ kitābeñ ḳhushbueñ aur ek phuul
apnī almārī meñ 'tābish' aur kyā rakhtā huuñ maiñ

bahaktī haiñ havā.eñ phuul be-mausam bhī khilte haiñ
jahān-e-āb-o-gil ham ko ba-andāza nazar aayā

dil ke āñgan meñ ba-sad naaz thā vo mahv-e-ḳhirām
phuul hī phuul thā naqsh-e-kaf-e-pā āḳhir-e-shab

biite hue lamhāt ko pahchān meñ rakhnā
murjhā.e hue phuul bhī gul-dān meñ rakhnā

bāġhbānī meñ tamām umr gañvā dī lekin
phuul ab tak na khilā apne muqaddar vaalā

jab koī phuul muskurātā hai
us ko apnā shabāb likhtī huuñ

junūñ kī ābla-pā.ī se phuul khilte ga.e
na jaane kitne bayābān ham nikhār aa.e

mujhe rahm aatā hai aisoñ par basar apne karte haiñ vaqt jo
kisī phal se yā kisī phuul se kisī paat se kisī saag se

ham banāte haiñ phuul kāñToñ ko
aap phūloñ ko ḳhaar karte haiñ

kah do koī sabā se idhar āj-kal na aa.e
kaliyāñ kahīñ mahak na uTheñ phuul khil na jaa.e

zahīr ham ko ye ahd-e-bahār raas nahīñ
har ek phuul ke siine par ek chhālā hai

ḳhizān-e-hijr meñ gulshan meñ phuul khilne lage
gazand ye bhī dil-e-nā-tavāñ pe pahuñchā hai

phuul se chehre the murjhā.e hue
shahr-e-gul bhī aaj shahr-e-dard thā

tere lahje se kabhī phuul jhaḌā karte the
apnī bātoñ se mire dil ko jalāne vaale

jis samt sar jhukā.ūñ gulshan araq araq ho
mahke mirī jabīñ se har phuul kā pasīnā

vahī rañgat vahī ḳhushbū vahī nāzuk-badanī
phuul ne naqsh utārā hai sarāpā terā

le chale do phuul bhī is bāġh-e-ālam se na ham
vaqt-e-rahlat haif hai ḳhālī hī dāmāñ rah gayā