Tags-Phool

pahuñche pas-e-ḳhayāl to dekhā ki ret par
ḳhema thā ek phuul kī sūrat khilā huā

kaliyāñ khul kar phuul banī haiñ
kis kā āñchal lahrāyā hai

rañg-o-sifāt-e-yār meñ dil Dhal nahīñ rahā
sho.aloñ kī zad meñ phuul hai aur jal nahīñ rahā

kyā ḳhuub mere baḳht kī manDve chaḌhī hai bel
nā baaġh na bahār na kāñTā nā phuul huuñ

kase hue ektāre par haiñ geñde ke do phuul
mehñdī lage hāthoñ par hiire motī jaḌe do naqsh

jahāñ meñ yuuñ to kise chain hai magar pyāre
ye tere phuul se chehre pe kyuuñ udāsī hai

rakkhā nahīñ thā lauh-e-mohabbat pe aaj phuul
kis baat par ḳhafā thā mujāvir kahāñ gayā

kuchh aap kā ġham kuchh ġham-e-jāñ kuchh ġham-e-duniyā
dāman meñ mire phuul bhī haiñ ḳhaar bhī ḳhas bhī

abhī kuchh phuul haiñ shāḳhoñ pe 'az.har'
mujhe kāñToñ meñ uljhā dekhne ko

vo phuul jo mire dāman se ho ga.e mansūb
ḳhudā kare unheñ bāzār kī havā na lage

titliyāñ kamre ke andar aa ga.iiñ
ek phuul aisā bhī thā gul-dān meñ

jab bhī aatā hai vo mere dhyān meñ
phuul rakh jaatā hai roshan-dān meñ

vo jo nahīñ haiñ bazm meñ bazm kī shaan bhī nahīñ
phuul haiñ dilkashī nahīñ chāñd hai chāñdnī nahīñ

yuuñ phuul to baraste na the kū-e-yār meñ
ye ham guzarte haiñ ki savārī adū kī hai

ye kitne phuul TuuT kar bikhar ga.e ye kyā huā
ye kitne phuul shāḳhchoñ pe mar ga.e ye kyā huā

maiñ kabhī tere darīche meñ khilā phuul bhī thā
aaj kyā huuñ tire gulshan kī havā jaane hai

us ne diye the phuul jo ab use kyā dikhā.iye
rakhtā nahīñ hai jabki dil ḳhvāhish-e-indimāl bhī

phuul kī pattī pattī ḳhaak pe bikhrī hai
rañg uḌā uḌte uḌte aflāk huā

chahār samt se aa.ī thī barf kī āñdhī
kahīñ na phuul na rañgoñ kī titliyāñ dekhūñ

jo haath ik phuul ko lagā.eñ yaqīñ hai kāñToñ meñ khīñche jaa.eñ
hamāre haq meñ vo hove hanzal jo nosh karne samar ko chaliye