Tags-Phool

bhañvre aa.e gin gin gin
phuul ke gāhak bārish meñ

koī phuul sā haath kāñdhe pe thā
mire paañv sho.aloñ pe jalte rahe

pyāroñ se mil jaa.eñ pyāre anhonī kab honī hogī
kāñTe phuul baneñge kaise kab sukh sej bichhaunā hogā

marmarīñ uñgliyāñ ik dil pe likheñ hāl-e-hinā
phuul āvāz kā khil jaa.e pashemānī meñ

raat ke dasht meñ phuul khile haiñ bhūlī-bisrī yādoñ ke
ġham kī tez sharāb se un ke tīkhe naqsh miTāte rahnā

dāman-e-dil se ye begāna-ravī itnā gurez
tum to ik phuul ho kāñToñ kā bhī dastūr nahīñ

khil uThe phuul mahak mujh ko havā se aa.ī
abr ke ruup meñ bilqīs sabā se aa.ī

uTTho kapḌe badlo chalo kyā baiThe ho 'bahr' udaas udaas
sair ke din haiñ phuul khile haiñ josh pe fasl-e-bahārī hai

bāġhbāñ se chhup ke gul-chīnī jo kī to kyā kiyā
aañkh bulbul kī bachā kar phuul toḌā chāhiye

jaanā thā maiñ ne maiñ tire qadmoñ kī dhuul huuñ
duniyā samajh ke phuul uThā le ga.ī mujhe

ye apnī apnī tabī.at kī baat hai 'sāqib'
use jo phuul to ḳhushbū mujhī ko honā thā

phuul se pesh aa.iye narmī ke saath
kāTiye shamshīr ko shamshīr se

nahīñ haiñ shabnam ke sub.h qatre ye barg-e-gul-hā-e-bostāñ par
ba-yād-e-ātish-ruḳhāñ phaphūle paḌe haiñ har phuul kī zabāñ par

lāla-zāroñ meñ zard phuul huuñ maiñ
fasl-e-gul hai magar malūl huuñ maiñ

nazar meñ phuul ho kāġhaz pe ek sahrā ho
to yuuñ ġhazal kā koī or-chhor ho jaa.e

ab to ye rasm hai ḳhushbū ke qasīde paḌhnā
phuul gul-dān meñ kāġhaz ke sajā.e rakhnā

sho.ala-e-husn-e-butāñ phūñk na de aalam ko
surḳh haiñ phuul se ruḳhsār baḌī mushkil hai

ḳhushbueñ phuul se ab izn safar māñgtī haiñ
is qadar qaht paḌā shahr meñ goyā.ī kā

ġhazal ne bahte hue phuul chun liye varna
ġhamoñ meñ Duub kar ham log mar ga.e hote

duā ke phuul kī ḳhushbū sā phailne vaalā
vo ḳhud meñ DhūñDhtā thā gum-shuda na jaane kyā