Tags-Phool

vo mahbūba to ik shoa.la-fishāñ hai phūl-qālib meñ
ḳhudā ko asl meñ ham par sitam ījād karnā thā

shāḳhoñ pe nok-e-teġh se kyā kyā khile haiñ phuul
andāz-e-lāla-kārī-e-qātil kahā na jaa.e

bāġhbāñ hushiyār ho mushtāq-e-ruḳhsat hai bahār
rañg badlā gulistāñ kā phuul murjhāne lage

zulm kī dhuup meñ nafrat to panap saktī hai
pyaar to phuul hai is dhuup meñ mar jā.egā

phuul jhaḌte haiñ muñh us ke se hazāroñ mujh ko
gāliyāñ gar kabhī vo ġhuncha-dahāñ detā hai

rañg kī duniyā se maiñ uktā gayā
phūl-rut meñ zahr pī kar so rahūñ

khil uThe phuul kī mānind muqaddar merā
mere mahbūb agar terī nazar ho jaa.e

jhaḌte haiñ phuul muñh se ai gul
bātoñ kā jhaaḌ motiyā hai

phuul ye soch ke khil uThte haiñ
koī to dīda-e-bīnā hogā

kyā kyā huiiñ qubūl duā.eñ us ek shab
phir ek phuul bhī na girā āsmān se

kyā havā aa.ī ki itne phuul dil meñ khil ga.e
pichhle mausam meñ ye shāḳh-e-yāsmīñ aisī na thī

ġhunche afsurda phuul pazhmurda
fasl-e-gul jaise un ke saat ga.ī

saarī duniyā meñ vo mere vāste bas ek hai
phuul sā chehra hai vo yā chāñd sā jaisā bhī hai

rahe shagufta ham is tarah jaise aag ke phuul
kabhī na dasht-navardī meñ ham ne paanī dhuup

maiñ phuul chuntī rahī aur mujhe ḳhabar na huī
vo shaḳhs aa ke mire shahr se chalā bhī gayā

pyaar kī shiddat dil kī hiddat 'bāqar' us ko raas nahīñ
garm havā ke jhoñkoñ se us phuul ko tum kumhlāo kyuuñ

ḳhaar agar haiñ phuul bhī to hai thoḌe se
dāman ko to mahkāyā jā saktā hai

phuul huuñ ḳhaak to nahīñ huuñ maiñ
raas kab aa.egī havā mujh ko

hasb-e-ma.amūl aa.e haiñ shāḳhoñ meñ phuul ab ke baras
saya-afgan haiñ magar un par babūl ab ke baras

haath meñ qātil ke 'nīraj' phuul hai
baat ab ghabrāne vaalī ho ga.ī