Tags-Phool

kyuuñ na maiñ ḳhaar banūñ chashm-e-raqībāñ meñ 'nasīm'
phuul se gaal mujhe ġhuncha-dahan dikhlāyā

yaad meñ phuul se gāloñ ke sambhālā dil ko
kabhī nasrīñ to kabhī us ko saman dikhlāyā

ho chukī sair-e-bahārāñ-kada-e-qaisar-bāġh
bāġh-e-lawrence meñ bhī phuul khilā de aa kar

shelf pe ulTā kar ke rakh do aur bisrā do
gul-dānoñ meñ phuul sajāo ḳhvāb kā kyā hai

chaman meñ us ne lagā.e hamāre naam ke phuul
to ham ne safha-e-hastī pe us ke naam lagā.e

hinā ke phuul hāthoñ par sajā ke ye kahā us ne
hathelī par tumhāre pyaar kī zanjīr ubhrī hai

pūchhī jab misāl us ke husn kī kisī ne to
phuul kī maiñ nāzuk sī pañkhuḌī uThā laayā

phuul giryāñ the har kalī larzāñ
jaane kaisī bahār meñ guzrī

na to gundh huuñ kisī phuul kī na hī phuul huuñ kisī baaġh kā
kisī aañkh ko jo na bhā sakā vo ujaaḌ huuñ kisī raaġh kā

maiñ ne gulāb ke paude se pūchhā
aaj kal tum par phuul kam aur kāñTe ziyāda aa rahe haiñ

kokanār ke phuul khile hoñ
bhañvre un ko chuum rahe hoñ

vo shāḳh-e-gul pe raheñ yā kisī kī mayyat par
chaman ke phuul to aadī haiñ muskurāne ke

is ne dekhā hai sar-e-bazm sitamgar kī tarah
phuul pheñkā bhī mirī samt to patthar kī tarah

phuul se rishte pattī pattī bikhre the
patjhaḌ-rut sāmān meñ rakh kar bhuul ga.ī

nargis ke do phuul uThā kar pheñk diye
aur āñkheñ gul-dān meñ rakh kar bhuul ga.ī

rañgat ye ruḳh kī aur ye aalam naqāb kā
dāman meñ koī phuul liye hai gulāb kā

jis kī ḳhushbū se mo.attar mere ash.ār the 'qais'
ek hī phuul mirī jaan thā tum jānte the

vo band kamre ke gamle kā phuul hai yaaro
vo mausamoñ kā bhalā haal kyā batā.egā

tanhā vo mirī qabr pe haiñ chāk-garebāñ
jaise kisī sahrā meñ koī phuul khilā ho

phuul muskāte haiñ lahrātī hai Tahnī Tahnī
fasl-e-gul aate hī har shai pe jamāl aatā hai