Collections

Lab Shayari

Motivational Ghazals

Best Khamoshi Shayari

More Collections

Tags-Phool

tīrgī se bhī jis kī phuul se jhaḌeñ 'betāb'
kyuuñ vo raushnī māñge dūsroñ kī sub.hoñ se

aag si barasti hai sabz sabz patton se

jaane chhū ga.e hoñge kis ke phuul se paañv
ik mahak sī uThtī hai is nagar ke rastoñ se

aag si barasti hai sabz sabz patton se

tere dāman meñ namī itnī ziyāda kyuuñ hai
kaun sā phuul tujhe bād-e-sabā yaad aayā

kis hawale se mujhe kis ka pata yaad aaya

raat kī be-libāsī pe mazmūn likh
shaam ke phuul chun ke lifāfe meñ rakh

apni pahchan koi zamane mein rakh

afsurdagi-e-dil se ye rañg hai suḳhan meñ
ya.anī ḳhizāñ-rasīda kuchh phuul haiñ chaman meñ

afsurdagi-e-dil se ye rang hai suKHan mein

chalte ga.e ham phuul banāte ga.e chhāle
sahrā ko mirī laġhzish-e-pā yaad rahegī

har choT pe puchhe hai bata yaad rahegi

vo log aaj ḳhud ik dāstāñ kā hissa haiñ
jinheñ aziiz the qisse kahāniyāñ aur phuul

wo log aaj KHud ek dastan ka hissa hain

us ne ghāyal bhī kiyā to kaise patthar se 'nasīm'
phuul kā tohfa mujhe merā shikārī de gayā

chand phir taron ki ujli rezgari de gaya

har ek shāḳh-e-sitam se maiñ phuul toḌtī huuñ
huā hai shauq chaman-zār-e-ġham banāne kā

tariq koi na aaya mujhe zamane ka

apne hoñToñ par sulagte phuul aa.e haiñ 'nisār'
hañs ke bolā thā hamāre saath kā royā huā

apne zinda jism ki guftar mein khoya hua

sub.h-e-bai.at kī vo zahrīlī havā terī thī
aur jo phuul thā shamshīr-ba-kaf merā thā

rang ka farq miTaya ye sharaf mera tha

kis tarah chubhte hue ḳhaar se ḳhushbū aa.e
phuul hoñ lafz to iz.hār se ḳhushbū aa.e

kis tarah chubhte hue Khaar se KHushbu aae

vo jaane kaise pata de ga.e the gulshan kā
na chhoḌā phuul na chhoḌī kalī kalī maiñ ne

tere nisar na dekhi koi KHushi maine

hargiz shabāb par tum nāzāñ 'sharaf' na honā
milne ko ḳhaak meñ hai jo phuul khil rahā hai

bulbul ka dil KHizan ke sadme se hil raha hai

vo ye kah kar daaġh dete haiñ mujhe
phuul se pahle samar aate nahīñ

kyun KHafa ho kyun idhar aate nahin

phuul ġham ke khile rahe barsoñ
dard ke silsile rahe barsoñ

phul gham ke khile rahe barson

baaġh meñ ham mar ga.e mahrūm-e-vasl-e-gul-badan
haiñ hamāre aaj phuul aur bulbuloñ ke haq meñ iid

hum hain mushtaq-e-jawab aur tum ho ulfat sin baid

har ek zaḳhm mirā phuul ban gayā shāyad
ki ab bahār kā aanā ajiib lagtā hai

guzar gaya jo zamana ajib lagta hai

phuul khile haiñ likhā huā hai toḌo mat
aur machal kar jī kahtā hai chhoḌo mat

phul khile hain likha hua hai toDo mat

gulzār meñ ek phuul bhī ḳhandāñ to nahīñ hai
kuchh aur hai ye daur-e-bahārāñ to nahīñ hai

gulzar mein ek phul bhi KHandan to nahin hai