Tags-Qatil

kaun kahtā hai ki ham ma.asūm buzdil log haiñ
us ne to har ghar se ik qātil barāmad kar liyā

ā.īne se merā qātil mujh ko pukāre
laao maiñ bhī apne hāthoñ patthar le luuñ

maiñ to apnī jaan pe khel ke pyaar kī baazī jiit gayā
qātil haar ga.e jo ab tak ḳhuun ke chhīñTe dhote haiñ

paḌtī hai jabki abrū-e-qātil pe merī aañkh
rah rah ke dekhtā hai vo talvār kī taraf

ham zaḳhmoñ kī shiddat ko bayāñ kar ke bhī 'tarzī'
qātil hī kā ḳhud apne qad ūñchā na kareñge

ravānī-hā-e-mauj-e-ḳhūn-e-bismil se Tapaktā hai
ki lutf-e-be-tahāshā-raftan-e-qātil-pasand aayā

havā-e-sair-e-gul ā.īna-e-be-mehri-e-qātil
ki andāz-e-ba-ḳhūñ-ġhaltīdan-e-bismil-pasand aayā

saaf kitnā hī kareñ dāman-e-qātil ko halīf
lauh-e-tārīḳh pe dhabbā sā lagā rahtā hai

mamnūn-e-iltifāt bhī aksar huā huuñ maiñ
us chashm-e-nīm-bāz kā qātil kaheñ jise

hamārī saḳht-jānī se huā shal haath qātil kā
sar-e-maqtal hī ham ne kar liyā dār-ul-amāñ paidā

sharāb-e-talḳh kyā hai zahr-e-qātil tak piyā ham ne
magar in mast nazroñ kā asar kuchh aur hotā hai

vo qātil aa.e to yaañ ham bhī sar hathelī par
liye phire haiñ usī ḳhanjar-āzmā ke liye

shor-e-fuġhāñ par itnī bechainī kaisī
tum se kyā tum kaun kisī ke qātil ho

rañg-e-ġhazal meñ dil kā lahū bhī shāmil ho
ḳhanjar jaisā bhī ho lekin qātil ho

husn-e-fitrat ke amiiñ qātil-e-kirdār na ban
shohrat-e-ġham ke liye raunaq-e-bāzār na ban

marne kī ai dil aur hī tadbīr kar ki maiñ
shāyān-e-dast-o-bāzū-e-qātil nahīñ rahā

sarfaroshī kī tamannā ab hamāre dil meñ hai
dekhnā hai zor kitnā bāzu-e-qātil meñ hai

kisī ḳhamoshī kā zahr jab ik mukālme kī tarah se chup thā
ye vāqi.a hai ki shahr-e-qātil bujhe diye kī tarah se chup thā

muñh khole haiñ ye zaḳhm jo bismil ke chaar pāñch
phir leñge bose ḳhanjar-e-qātil ke chaar pāñch