Tags-Qismat

sone chāñdī ne to kuchh bhī na diyā ham ko 'zafar'
yā-ḳhudā ab mirī qismat ko sañvāre patthar

apnī qismat ke hue saare sitāre patthar
phuul dāman meñ tire aur hamāre patthar

zindagī tere liye sab ko ḳhafā ham ne kiyā
apnī qismat hai ki ab tū bhī ḳhafā ham se huī

ham ne jab tol ghaTāyā sāhab
apnī qismat kī ghaTā.eñ huiiñ rad

tere hinā.ī haath tak un ko hai dastaras
ai rashk-e-gul chaman meñ ye qismat hinā kī hai

mire kamāl kī zāmin hai ḳhud ye qismat-e-ġham
ḳhushā maiñ ḳhasta-e-ġham to huuñ sogvār nahīñ

koī chiiz bhī hai qismat koī shai bhī hai muqaddar
ki maiñ apnī koshishoñ meñ yahāñ bār-bār haarā

ho ijāzat to terī mahfil meñ
apnī qismat ko āzmā.ūñ kyā

ham apnī aql ko ilzām deñ ki qismat ko
hamāre daur meñ rahzan bhī pāsbāñ niklā

tujh ko masjid hai mujh ko mai-ḳhāna
vā.izā apnī apnī qismat hai

ab aage dekhiyo jītūñ na jītūñ yā qismat
mirī bisāt meñ dil hai ise lagā denā

dam hai ki hai ukhḌā ukhḌā sā aur vo bhī nahīñ aa chukte haiñ
qismat meñ ho marnā yā jiinā ab ho bhī chuke jo honā hai

qismat meñ ḳhushī jitnī thī huī aur ġham bhī hai jitnā honā hai
ghar phūñk tamāshā dekh chuke ab jañgal jañgal ronā hai

banegī sho.ala-e-javvāla gardish-e-qismat
tumhāre gird phiregā ġhulām uTh uTh kar

rah kar hamārī gardish-e-qismat ke saath saath
chakkar meñ ḳhud bhī gardish-e-daurāñ hai ġhāliban

miTtā nahīñ navishta-e-qismat kisī tarah
jauhar kabhī na ḳhanjar-e-burrāñ se duur hoñ

qismat ko apne likkhe ke ta.iiñ kaun dho sake
sab ho sake va-lek ye itnā na ho sake

ek din aisā bhī qismat se mile jab 'aslam'
raqs kartā huā mahbūb-nagar jā.egā

pursān-e-pareshānī-e-insāñ nahīñ koī
qismat kī girah nāḳhun-e-tadbīr se kholo

ye jo insāñ ḳhudā kā hai shahkār
is kī qismat pe hai ḳhudā kī maar