Tags-Qismat

saarī duniyā se anokhī hai zamāne se judā
nemat-e-ḳhās hai allāh re qismat merī

sham.a kī sūrat qismat bhī
jalte hī bujh jaatī hai

nikhrī huī bahār meñ chhāle haiñ ḳhūñ-chakāñ
apne qadam se qismat-e-sahrā badal ga.ī

sunā.ūñ tum ko vo lafzoñ meñ hāl-e-ḳhūbī-e-qismat
mire dāman par barse bhī to ashkoñ ke guhar barse

qismat to dekh TuuTī hai jā kar kahāñ kamand
kuchh duur apne haath se jab baam rah gayā

bas kisī kā nahīñ sayyād ḳhatā kyā terī
āb-o-dāna mirī qismat kā gulistāñ meñ nahīñ

zahe-qismat jo terā banda-e-be-dām hai saaqī

mirī qismat meñ is mai-ḳhāne kā sāġhar nahīñ yārab
evaz meñ is ke mujh ko mashrab-e-pīr-e-muġhāñ de de

ham jamā kar nigāh baiThe haiñ
apnī qismat kā dar khulā hī nahīñ

apne dāman meñ chhupā le mujhe mahbūb mire
mirī bigḌī huī qismat kā sitāra ho jā

azal se shāyad likhe hue the 'shakīl' qismat meñ jaur-e-paiham
khulī jo āñkheñ is anjuman meñ nazar milī āsmāñ se pahle

qismat ke bāzār se bas ik chiiz hī to le sakte the
tum ne taaj uThāyā maiñ ne 'ġhālib' kā dīvān liyā

tahī-dastān-e-qismat ko na lenā thā na denā thā
hisāb-e-zindagī kyā hai ye pūchho bādshāhoñ se

zamīñ jo mehrbāñ hotī nahīñ to ab yahī hal hai
falak par apnī qismat kā sitārā DhūñD lete haiñ

gul-chīn-o-gul-farosh kī ḳhātir hai fasl-e-gul
aur qismat-e-junūñ hai faqat chāk-dāmanī

kūcha-gardān-e-junūñ misl-e-sabā
zulf-e-āvāra kī qismat Thahre

dil lahū kar ke ye qismat Thahre
sañg fankār kī ujrat Thahre

sochnā hai tirā vo na tum ko milā sach to ye hai magar tū na us ko milā
us kī qismat meñ shāyad thī tishna-labī ho gayā jo ḳhafā tū use bhuul jā

maiñ basātā thā us ke dil meñ ghar
aur qismat meñ be-gharī thī abhī

us lab-e-shīrīñ pe merā ek baar aayā jo naam
maiñ ye samjhā ḳhushtarī pahlū-e-qismat vā huā