Tags-Qismat

har vaqt mire saath the asbāb-e-tabāhī
qismat thī ḳharāb apnī ḳhatā.eñ bhī bahut thiiñ

yahī din to azal se merī qismat thā
magar āñkhoñ meñ sahrā ne bharī vo ret

rizq khā kar ġhair kī qismat kā zambūr-e-asal
tū ne dekhā halq tak jā kar ġhizā ulTī phirī

rāst-bāzoñ hī ko piisā āsmāñ ne raat din
vā-e-qismat jab phirī ye āsiyā ulTī phirī

is tarah so.e haiñ sar rakh ke mire zaanū par
apnī soī huī qismat ko jagā bhī na sakūñ

bevafā likhte haiñ vo apne qalam se mujh ko
ye vo qismat kā likhā hai jo miTā bhī na sakūñ

vahīñ par le chalī be-tābi-e-dil vāh-rī qismat
phirā kī sar paTaktī jis jagah merī duā barsoñ

qismat-e-shauq aazmā na sake
un se ham aañkh bhī milā na sake

vīrāna-nashīnī hai azal se mirī jāgīr
qismat ne diyā hai mujhe farmān-e-bayābāñ

tadbīr bhī ye kah kar ruḳhsat huī furqat meñ
taqdīr kī duniyā hai qismat kā zamānā hai

mere sar par rah ke bhī mujh par na saaya kar sakā
merī qismat se kahāñ miltā hai āñchal kā mizāj

mehr-o-mah kī gardish meñ DhūñDhte haiñ qismat ko
apnī apnī kartī par kam nigāh karte haiñ

qismat ke khilaune haiñ ujālā ki añdherā
dil sho.ala-talab thā so bahar-hāl jalī huuñ

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

'firāq' apnī qismat meñ shāyad nahīñ the
Thikāne ke din yā Thikāne kī rāteñ

daulat kā falak toḌ ke aalam kī jabīñ par
mazdūr kī qismat ke sitāre nikal aa.e

laakh qismat meñ ġharīb-ul-vatanī ho 'rahbar'
khīñch laa.ī hai magar phir bhī mohabbat ghar kī

zindagī bhar ab añdherī raat meñ hai jāgnā
ab to qismat kā sitāra bhī chamak kar so gayā

qismat kī lakīreñ dekh to leñ tahrīr magar ye aam nahīñ
is ḳhat ko bhalā kyoñ kar samjheñ jis ḳhat meñ hamārā naam nahīñ

maile kapḌoñ kā apnā rañg bhī thā
phir bhī qismat meñ jag-hañsā.ī thī