Collections

Lab Shayari

Motivational Ghazals

Best Khamoshi Shayari

More Collections

Tags-Qismat

us kī qismat meñ rasā.ī na sahī āshiq ko
hasrat-e-lazzat-e-iz.hār liye phirtī hai

fard ko asr ki raftar liye phirti hai

sajda us kā hai jabīñ us kī hai qismat us kī hai
jis kī peshānī pe un kī ḳhāk-e-dar paatā huuñ maiñ

kab se is duniya ko sargarm-e-safar pata hun main

jitne qismat ke sahāre the vo jhūTe nikle
hai bañdhī muTThiyoñ meñ kyā mujhe ma.alūm na thā

wada sachcha hai ki jhuTa mujhe malum na tha

kaunain tak milī thī jis dil kī mujh ko qīmat
qismat ki yak nigah par jā us ko Daal aayā

kab dil shikast-gan se kar arz-e-haal aaya

jabr ke ehsās kī āvāz to pahle bhī thī
inqalāb-e-qismat-e-ādam kā āvāza na thā

muntashir ho kar rahe ye aisa shiraaza na tha

mujhe Dar nahīñ rāhoñ kī pech-o-ḳham kā
har ik moḌ par merī qismat khaḌī hai

girani-zada KHak meri baDi hai

raat hī ke dāman meñ chāñd bhī haiñ taare bhī
raat hī kī qismat hai be-charāġh honā bhī

ek azab hota hai roz ji ka khona bhi

dam nikal jā.egā hasrat se na dekh ai nāḳhudā
ab mirī qismat pe kashtī chhoḌ de mañjdhār meñ

chhoD kar ghar-bar apna hasrat-e-didar mein

qismat meñ ho go manzil-e-maqsad kā pahuñchnā
par ābla-e-pā meñ sar-e-ḳhār na TuuTe

manzil safar-e-ishq ki zinhaar na TuTe

apnī qismat meñ ġham-e-arsa-e-hijrāñ hai to kyā
ashk minnat-kash-e-gahvāra-e-mizhgāñ hai to kyā

apni qismat mein gham-e-arsa-e-hijran hai to kya

mere mahbūb vatan tere muqaddar ke ḳhudā
dast-e-āġhyār meñ qismat kī inaañ chhoḌ ga.e

phir wahi kunj-e-qafas

magar jāgnā apnī qismat meñ thā
bulātī rahī niiñd kī jal-parī

kahan kho gai ruh ki raushni

kaun qismat se 'munavār' kabhī laḌ saktā hai
aa.e vo dekhe mirī haar rulāne aa.e

kash aisa ho wo milne ke bahane aae

ham kahāñ qismat āzmāne jaa.eñ
tū hī jab ḳhanjar-āzmā na huā

dard minnat-kash-e-dawa na hua

pāsbāñ haT ga.e qismat ne merā saath diyā
us ne jab kah diyā us ko mire paas aane do

thi haqiqat ki wo tha KHwab use jaane do

kyuuñ na apnī ḳhūbi-e-qismat pe itrātī havā
phuul jaise ik badan ko chhū kar aa.ī thī havā

kyun na apni KHubi-e-qismat pe itraati hawa

merī qismat hai yā pachhal-pīrī
lauT jaatī hai ghar nahīñ aatī

shab-gazida ke ghar nahin aati

khā ga.ī āḳhir mujhe chashm-e-siyāh-e-surmagīñ
zarq qismat ne kiyā hai zañgī ādam-ḳhvār kā

gham nahin go ai falak rutba hai mujhko Khaar ka

kyuuñ na hote aziiz ġhair tumheñ
merī qismat meñ ḳhvār honā thā

ghussa begana-war hona tha

jis zaḳhm kī ho saktī ho tadbīr rafū kī
likh dījiyo yā rab use qismat meñ adū kī

jis zaKHm ki ho sakti ho tadbir rafu ki