Tags-Qismat

merī qismat meñ haiñ patthar tirī qismat meñ haiñ phuul
apnī shohrat se na andāza-e-rusvā.ī kar

tujh se qismat meñ mirī sūrat-e-qufl-e-abjad
thā likhā baat ke bante hī judā ho jaanā

na rasta na koī Dagar hai yahāñ
magar sab kī qismat safar hai yahāñ

phir dikhā.ūñgā maiñ anmol javāhar 'ālim'
mirī qismat se koī ahl-e-nazar ho to sahī

darpai-e-āzār hai qismat to ho
ab mujhe tum se mohabbat hī sahī

zahe qismat agar tum ko hamārā dil pasand aayā
magar ye daaġh kyuuñ kar ai mah-e-kāmil pasand aayā

is zamīñ par hai be-gharī qismat
mar ke ban jaa.e apnā ghar dariyā

ai shauq-e-shahādat kahīñ qismat na palaT jaa.e
bāñdhī to hai talvār bhī qātil ne kamar bhī

tum kyuuñ shab-e-judā.ī parde meñ chhup ga.e ho
qismat ke aur taare sab āsmān par haiñ

vaa.e qismat maiñ rah gayā pīchhe
aur rafīqoñ ne jald uThā.e qadam

na aa rahe the na aanā thā aur na imkāñ thā
ye zo.am-e-dil thā yā qismat kā yuuñ badal jaanā

apnī qismat meñ hai nok-e-ḳhār yā shāḳh-e-bahār
phuul haiñ yā phuljhaḌī hai raushnī ai raushnī

qismat kī tarah ye dil na phirā ka.abe se bhī ulTe paañv phire
āñkhoñ meñ galī vo phirne lagī be-ḳhud ye tavāf haram ne kiyā

merī ḳhvāhish bahtā paanī
merī qismat Thahrā paanī

log qismat pe chhoḌ dete haiñ
baat bantī nahīñ hai jab kuchh bhī

baaġh ho yā dasht ho qismat 'nasīm'
coach kī apne ḳhabar hai do taraf

ai kaash hamārī qismat meñ aisī bhī koī shaam aa jaa.e
ik chāñd falak par niklā ho ik chāñd sar-e-bām aa jaa.e

zahe qismat ki us ko dard-e-mahrūmī pasand aayā
mohabbat aish-e-do-ālam ko Thukrātī huī aa.ī

hazār naaz sahī mujh ko apnī qismat par
hinā-e-dast-e-nigārīñ huuñ chhūT jā.ūñgā

taare mirī qismat haiñ ki jalte hue patthar
duniyā mirī jannat hai ki shaitāñ kī sazā hai