Tags-Qismat

ham bahut ḳhush the ki jaag uTThī hai apnī qismat
aane vaalā kisī hamsā.e kā mehmāñ niklā

musallas kā ḳhat-e-sālis mujhe mil kar nahīñ detā
kabhī qismat se vo ruk jaa.e to bārish nahīñ rahtī

sāzgār aaj mujhe raah bhī hai rahbar bhī
merī qismat meñ hai āsūda-e-manzil honā

dard kā sāġhar bhī saaqī merī qismat meñ na thā
shauq meñ karnā paḌā āḳhir lahū paanī mujhe

qadam qadam tirī rāhoñ pe jugnuoñ ke charāġh
ravish ravish mirī qismat meñ ik diyā bhī nahīñ

nuqra.ī ujāle par surma.ī añdherā hai
ya.anī merī qismat ko gardishoñ ne gherā hai

kabhī muñh se āvāz hāthoñ se qismat aur āñkhoñ se pahlī masarrat kā paanī gire
to use mat uThānā

mahrūmī-e-qismat kā aalam kyā pūchh rahe ho tum mujh se
manzil to abhī hai duur bahut aur ik ik sāthī chhūT gayā

takmīl-o-taḳhlīq kā lamha bhārī hai in sadiyoñ par
jo ābād nagar kī qismat likh Dālīñ vīrāne meñ

ḳhār-e-qismat kyā nikāle haath zaḳhmī kar liye
nāḳhun-e-tadbīr kī kāvish bahut mahñgī paḌī

huuñ kālbud-e-ḳhāk meñ mehmāñ koī din aur
qismat meñ hai pābandī-e-zindāñ koī din aur

ḳhud ko na ai bashar kabhī qismat pe chhoḌ tū
dariyā kī tej dhaar ko himmat se moḌ tū

jalnā qismat meñ hai to jalnā hai
chhat pe koī ghaTā rahe na rahe

nahīñ hai lazzat-e-duniyā o mā-fīhā jo qismat meñ
ḳhudā-ma.alūm hissa hai mirā kis ḳhvān-e-ne.amat meñ

milī hai merī qismat se mujhe ne.amat tavakkul kī
jo marġhūb-e-ḳhudā haiñ vo maze haiñ us kī lazzat meñ

ḳhud se bichhḌā to khulā raaz ye dil par mere
apnī pahchān ho qismat ne mujhe tanhā kiyā

merī qismat kā faisla us ne
ma.araz-e-iltavā meñ Daal diyā

har ḳhushbū ko un par zaa.e.a hote dekhā hai
jin kī qismat meñ apnī miTTī kī baas nahīñ

kidhar sajda karūñ ka.aba kidhar hai
zahe-qismat vo aa.e mere ghar aaj

bazm-e-nā0-pursāñ meñ qismat laa.ī hai
baiThiye apnī agar jā dekhiye