Tags-Raat

zindagī kā safar tai to karte rahe
raat kaTtī rahī din guzarte rahe

bahut jī tarastā rahā raat bhar
jo ham se bhī mil lo mulāqāt bhar

bisāt-e-tamannā ulaTte ho kyuuñ
ki baazī ye kheleñge ham raat bhar

zarā dekh lo mere dil kī taraf
ye chhal-bal vadī.at nahīñ raat bhar

sunā hai luT gayā kal raat rāste meñ kahīñ
jo ek rah-guzrī rahguzar meñ tanhā thā

raat kā apnā ik taqaddus hai so use pā.emāl mat karnā
jab diye guftugū ke raushan hoñ lauTne kā savāl mat karnā

koī to raat ko dekhegā javāñ hote hue
is bhare shahr meñ bedār koī to hogā

terī yādoñ ke lamhe bhī bedard the
tujh ko mujh se churāte rahe rāt-bhar

raushnī tak raushnī kā rāsta kah lījiye
raat ko shām-o-sahar kā fāsla kah lījiye

muTThiyoñ meñ ret bhar lī hai batā.ūñ kis tarah
raat din āb-e-ravāñ se muñh chhupā.ūñ kis tarah

dil pe yādoñ kā bojh taarī hai
aaj kī raat kitnī bhārī hai

raat ko is jañgal meñ ruknā Thiik nahīñ
is se aage tum logoñ kī marzī hai

girdāb-e-bahr-e-ishq ke chakkar haiñ raat din
kaun āshnā-e-hāl hai kis ko pukāriye

shaam meñ ġhaar thā
ġhaar meñ raat thī

batāne lagā raat būḌhā faqīr
ye duniyā hamesha se kañgāl hai

shajar ārām-dah hone lage haiñ
parinde rāt-din sone lage haiñ

sharm se ḳhurshīd apnā muñh chhupā legā kahīñ
roz-e-raushan meñ bhī 'dānish' raat Dhā lī jā.egī

raat āñkhoñ meñ ḳhvāb aa.e the
muskurāte janāb aa.e the

raat ik ujḌe makāñ par jā ke jab āvāz dī
guuñj uTThe bām-o-dar merī sadā ke sāmne

is barastī raat kā ye āḳhirī aañsū bhī kal
mujh se chāhat us kī āñkhoñ se vafā le jā.egā