Tags-Raat

thā mere hausle se ziyāda ġham-e-firāq
ik dāstān us ko sunā.ī tamām raat

sharm-e-sitam ne vasl meñ kaisā sitam kiyā
shakl us ne kal mujhe na dikhā.ī tamām raat

sachche haiñ apne va.ade ke aate vo ḳhvāb meñ
'nāzim' mujhī ko niiñd na aa.ī tamām raat

udaas raat kī ḳhāmoshiyoñ meñ ai 'qaisar'
qarīb aatī huī duur kī sadā kyā hai

ai raat mujhe maañ kī tarah god meñ le le
din bhar kī mashaqqat se badan TuuT rahā hai

raat pahle hī kyuuñ nahīñ Dhaltī
tīrgī shab kī tā-sahar kyuuñ hai

raat ke jaage sub.h kī halkī narm havā meñ so.e haiñ
dekheñ kab tak niiñd ke maate uThne meñ tāḳhīr kareñ

lene ḳhairāt tire chehra-e-pur-nūr se raat
badr chāñdī kā liye haath meñ pyālā niklā

raat koThe pe chaḌhā vo to kahūñ kyā yaaro
manzar-e-bām se us ke vo ujālā niklā

raat ab siyānī ho ga.ī hai
guḌiyā kho jaa.e

hui hai shaam phir ashkoñ se ik vazū ho 'nadīm'
phir ek raat sitāre shumārne kā amal

kisī jugnū ko ham jab raat kī zīnat banāte haiñ
zarā sī raushnī mahtāb meñ tabdīl karte haiñ

jo din thā ek musībat to raat bhārī thī
guzārnī thī magar zindagī, guzārī thī

vo zikr thā kisī bārish kī raat kā shāyad
nazar meñ aa ke rukī thī tumhārī baat nahīñ

kaun jaane kal kā sūraj dekh bhī pā.eñge ham
jab talak hai raat baaqī bas yūñhī bāteñ karo

maiñ jab bhī ghar se nikaltā huuñ raat ko tanhā
charāġh le ke koī saath saath chaltā hai

vo chain kahāñ apne ghar kā vo baat kahāñ apne ghar kī pyārā pyārā ghar apnā
vo raaj kahāñ apne ghar kā vo raat kahāñ apnī ghar kī āñkhoñ kā taarā ghar apnā

shab-e-'firāq' uThe dil meñ aur bhī kuchh dard
kahūñ ye kaise tirī yaad rāt-bhar aa.ī

mujh pe hañstā hai kyuuñ sitāra-e-sub.h
raat bhar jāgtā to maiñ bhī huuñ

jo amāvas kī raat meñ chamke vo jugnū
pūrnimā ke chāñd pe bhārī hotā hai