Tags-Raaz

mar gayā 'misdāq' bhī sultān-Tīpū kī tarah
dekh kar hamrāz apnā dushman-e-jānī ke saath

ism-e-zāt kā raaz hai jo ḳhud mere uupar faash to kar
mere dil ke ā.īne ko phir se hairat de sā.īñ

ġhairoñ pe khul na jaa.e kahīñ raaz dekhnā
merī taraf bhī ġhamza-e-ġhammāz dekhnā

dafn kar saktā huuñ siine meñ tumhāre raaz ko
aur tum chāho to afsāna banā saktā huuñ maiñ

sitār-e-ḳhvāb se bhī baḌh kar ye kaun be-mehr hai ki jis ne
charāġh aur aa.ine ko apne vajūd kā rāz-dāñ kiyā hai

phir sūraj ne shahr pe apne qahr kā yuuñ āġhāz kiyā
jin jin ke lambe dāman the un kā ifshā raaz kiyā

ḳhāksārī se jo ġhāfil dil-e-ġhammāz huā
ḳhaak ke parde meñ poshīda mirā raaz huā

tābinda husn-e-rāz-e-bahārāñ hamīñ se hai
nazm-e-ḳhizāñ jo hai to hirāsāñ hamīñ se hai

har ek ke raaz se vāqif ho kah rahe haiñ sabhī
mire badan meñ koī dāstāñ talāsh karo

haal kā apne hameñ ilm nahīñ un ko hai
raaz rakhte haiñ hamārā bhī vo pinhāñ ham se

kis se kahtā dil kī bāteñ kis se suntā un kā raaz
bazm meñ to sab nazar aate haiñ begāne mujhe

vo raaz jis se sulagtā rahā hai dil kah deñ
hamāre dil sā agar koī rāzdār mile

maiñ ne bhī toḌ diyā ḳhaak kī ḳhushbū kā tilism
kho gayā maiñ bhī ḳhalāoñ meñ baḌe raaz ke saath

zulf-e-pareshāñ raaz kī juuyā bād-e-sabā yaksar ġhammāz
baat tirī ḳhalvat tak pahuñchī ham vahshī āvāroñ kī

kabhī ho sakā to batā.ūñgā tujhe rāz-e-ālam-e-ḳhair-o-shar
ki maiñ rah chukā huuñ shurūa se gahe aizd-o-gahe ahrman

jānib-e-shahr-e-ġhazālāñ phir chalī shām-e-firāq
dasht kī be-ḳhvābiyoñ kā rāzdāñ aa.egā kyā

rāz-e-hastī bhī kisī roz yahāñ par 'naushād'
dekhnā mujh sā koī ḳhāk-basar kholegā

ai kaash koī raaz batā de mujh ko
ḳhāliq ne mire baare meñ likkhā kyā hai

ishq se baaz na aanā 'haidar'
raaz hone de ayaañ kyā hogā

aah hamrāz kaun hai apnā
baḳht-e-nā-sāz kaun hai apnā