Tags-Raaz

sunñe vāloñ ne to dekhā bhī nahīñ thā chauñk kar
raaz siine se nikal ke hoñT par aayā gayā

umiid chashm-e-taġhāful-shi.ār se kab thī
is iltifāt-e-farāvāñ meñ koī raaz na ho

aam hai zikr-e-ḳhās ai 'maikash'
ab koī baat raaz kī to nahīñ

kaise chhupā.ūñ rāz-e-ġham dīda-e-tar ko kyā karūñ
dil kī tapish ko kyā karūñ soz-e-jigar ko kyā karūñ

koī nahīñ hai yahāñ e'tibār ke qābil
kisī ko raaz batāoge maare jāoge

na kuredūñ ishq ke raaz ko mujhe ehtiyāt-e-kalām hai
mirā zauq itnā buland hai jahāñ aarzū bhī harām hai

hastī kā raaz kyā hai ġham-e-hast-o-būd hai
aalam tamām dām-e-rusūm-o-quyūd hai

simaT rahe haiñ vo ik Dūbte jazīre meñ
abhī ye raaz kināroñ pe āshkār nahīñ

haa.e vo rāz-e-ġham ki jo ab tak
tere dil meñ mirī nigāh meñ hai

har qadam par manzileñ kuchh duur yuuñ hotī ga.iiñ
rāz-hā-e-zindagānī ham pe vā hone lage

use na phir kuchh diyā dikhā.ī nazar paḌā vo jamāl jis ko
khulā haqīqat kā raaz jis par na us ko yaarā thā guftugū kā

raaz ye sab ko batāne kī zarūrat kyā hai
dil samajhtā hai tire zikr meñ lazzat kyā hai

jalne meñ kyā lutf hai ye to pūchho tum parvāne se
dīvāna-pan kyā shai hai ye raaz mile dīvāne se

ye raaz ahl-e-fuġhāñ par faash kar do
ḳhamoshī bhī ik andāz-e-fuġhāñ hai

dar-e-ḳhazīna-e-sad-rāz kholtā hai koī
na jaane kaun hai vo mujh meñ boltā hai koī

dil meñ ik dard kā tūfān chhupā.e rakkhā
aañkh se raaz ko ifshā kabhī hone na diyā

raaz kā bazm meñ charchā kabhī hone na diyā
ham ne apne ko tamāshā kabhī hone na diyā

dānā-e-ġham na mahram-e-rāz-e-hayāt ham
dhaḌkā rahe haiñ phir bhī dil-e-kā.enāt ham

hamārī aaḌ le kar chhup rahe ho
khulā sab raaz ab parda-darī kā

vo sanam bigaḌ ke mujh se mirā kyā bigāḌ legā
kabhī raaz khol duuñ maiñ to salām tak na pahuñche