Tags-Raaz

ban ga.iiñ jab bhī hamrāz tanhā.iyāñ
dil kī har baat ham dil se karte rahe

kuchh ishāre kuchh kinā.e kuchh ḳhamoshī kuchh bayān
guftugū kā silsila bhī rāz-dārāna chalā

kar diyā thā maiñ ne jo āvāra pattoñ par raqam
raaz vo rusvā havāoñ kī zabānī ho gayā

vo insāñ jo mirā hamrāz hai ham-zād hai 'qaisar'
vo mujh se aaj tak nā-āshnā hai kyā kiyā jaa.e

khulegā raaz terā 'zabt' us din un kī mahfil meñ
ki jab dil kī kahānī āñsuoñ meñ Dhal ga.ī hogī

ka.ī raaz pinhāñ haiñ lekin khuleñge
agar hashr ke roz pakḌā gayā dil

abhī to huuñ dar-o-dīvār hī se mahv-e-kalām
harīf-e-daulat-e-ġham koī rāzdāñ bhī to ho

ba-rañg-e-nik.hat-e-gul hai chaman meñ āshiyāñ apnā
kisī ke rāzdāñ ham haiñ na koī rāz-dāñ apnā

majbūri-e-hayāt meñ rāz-e-hayāt hai
zindāñ ko maiñ ne rauzan-e-zindāñ banā diyā

ifshā-e-rāz-e-ishq meñ go zillateñ huiiñ
lekin use jatā to diyā jaan to gayā

ye hai davām kī manzil ki hai fanā kā khanDar
ye raaz aaj mire raḳhsh-e-jāñ se duur nahīñ

ham bāda-o-jām ke parde meñ kuchh rāz-e-junūñ kah jaate haiñ
jab ishq kā nashsha chaḌhtā hai maḳhmūr tabī.at hotī hai

chhupā na gosha-nashīnī se rāz-e-dil 'vahshat'
ki jāntā hai zamāna mire suḳhan se mujhe

maiñ chāhtā thā mirā ishq ek raaz rahe
vo aa gayā to ḳhabar ho ga.ī zamāne ko

ik rāz-e-ġham-e-dil jab ḳhud rah na sakā dil tak
hone do ye rusvā.ī tum tak ho ki mahfil tak

raat gahrī hai bahut raaz na degī apnā
maiñ to sūraj bhī nahīñ huuñ ki utar kar dekhūñ

arinī-o-lan-tarānī hai sirr-e-ishq 'sāqī'
rāz-o-niyāz meñ hai mastūr kā tamāshā

kahāñ ham tak aayā koī raaz jo
kahāñ ham ne dil ko dafīna kiyā

ab anāsir meñ tavāzun DhūñDne jaa.eñ kahāñ
ham jise hamrāz samjhe pāsbāñ niklā tirā

chhupā saktī nahīñ us se maiñ kuchh bhī
mirā har raaz to us par ayaañ hai