Tags-Raaz

hijāb meñ hai har ik raaz merī hastī kā
zamāna shauq se paḌh le ye vo kitāb nahīñ

kabhī kholtā hai samundar ke raaz
kabhī ek qatra chhupātā hai tū

terī ġhazal paḌhī to ye jaanā 'rafīq'-rāz
paanī ke shor meñ hai ravānī kā shor bhī

hañste haiñ us ke girya-e-be-iḳhtiyār par
bhūle haiñ baat kah ke koī rāzdāñ se ham

aage baḌhe na qissa-e-ishq-e-butāñ se ham
sab kuchh kahā magar na khule rāzdāñ se ham

mire ḳhayāl meñ pinhāñ kisī kī socheñ haiñ
khulā ye raaz ki hai saarī ā.inoñ kī baat

mohabbatoñ meñ zarūrat ke rañg shāmil the
khulā ye raaz ki hai saarī hausloñ kī baat

tirī hastī ko rāz-e-do-jahāñ ma.alūm thā goyā
farishtoñ kā taqaddus thā tire husn-e-takallum meñ

is suḳhan kā ajab hai afsāna
jo sune us kuuñ ahl-e-rāz kare

maut thī mere liye terī nigāh-e-nāz meñ
zindagī kā raaz thā tere lab-e-ejāz meñ

ham ki the ahl-e-safā ye raaz kis par kholte
qāfile kā saath āḳhir tark kyuuñ karnā paḌā

ham sitam ko karam samajhte haiñ
un pe ye raaz vā na ho jaa.e

raaz ab tak kisī pe na ye khul sakā
mar ga.iiñ machhliyāñ kaise tālāb meñ

jaane kyā raaz chhupā hai tirī sālārī meñ
tū jahāñ jaa.e tire pīchhe zamāne jaa.eñ

sitam-shi.ār āsmāñ to thā nahīñ
udāsiyoñ kā rāz-dāñ to thā nahīñ

mazāq-e-ishq se maiñ sharmsār ho na sakā
ki rāzdāñ bhī mirā rāzdār ho na sakā

na vo parda-dār hai raaz meñ na kisī kī parda-dārī rahī
jo paḌe the parde sab uTh ga.e magar ab bhī jalvagarī rahī

kuchh is tarah se faash huā vo ki aa.ina
har aks rāz-e-husn-o-adā tak pahuñch gayā

jo raaz hai vo khul ke bhī ik raaz hī rah jaa.e
iz.hār ko maiñ aisī zabāñ DhūñD rahā thā

ham bichhaḌ chuke lekin rasm-o-rāh kī ḳhātir milte rahte haiñ varna
kuchh udaas shāmoñ kā rāz-dāñ to maiñ bhī huuñ rāz-dāñ to tum bhī ho