Tags-Raaz

rāz-e-hastī kī justujū meñ rahe
raat tābīr-e-ḳhvāb meñ guzrī

tumhāre payāmī ne sab raaz kholā
ḳhatā is meñ bande kī sarkār kyā thī

rāz-e-dil dost ko sunā baiThe
muft meñ mudda.ī banā baiThe

bayāñ meñ apne sadāqat kī hai kamī varna
ye raaz kyā hai ki is par asar ziyāda nahīñ

mire aaqā ko gila hai ki mirī haq-goī
raaz kyuuñ kholtī

mohabbat naam hai ġham-peshgī kā
havas is raaz kī mahram nahīñ hai

kar diyā faash tirā ġham le kar
rāz-e-ejāz-e-masīhā ham ne

aap kī maḳhmūr āñkhoñ kī qasam
merī mai-ḳhvārī abhī tak raaz hai

zabāñ hai be-ḳhabar aur be-zabāñ dil
kahe kis tarah se rāz-e-nihāñ dil

ye rañg-e-sher-goī raaz ye tarz-e-ġhazal-ḳhvānī
tirī fitrat haqīqat-āshnā ma.alūm hotī hai

ḳhāmoshiyoñ kā rāz-e-mohabbat vo pā ga.e
go ham se arz-e-hāl kī jur.at na ho sakī

ahl-e-dil dīda-e-tar dekh ke pahchān ga.e
maiñ samajhtā thā mirī baat abhī raaz meñ hai

gul-o-bulbul se adāvat nahīñ 'kaifī' lekin
kyuuñ huuñ bezār chaman se ye abhī raaz meñ hai

bas usī kī tarjumānī hai mire ash.ār meñ
jo sukūt-e-rāz rañgīñ dāstāñ bantā gayā

zamāna aayā hai be-hijābī kā aam dīdār-e-yār hogā
sukūt thā parda-dār jis kā vo raaz ab āshkār hogā

suḳhan rāz-e-nashāt-o-ġham kā parda ho hī jaatā hai
ġhazal kah leñ to jī kā bojh halkā ho hī jaatā hai

kisī se rāz-e-dil kahnā ye ḳhū rusvā karātī hai
tirī ye baat tanhā.ī meñ paiham yaad aatī hai

shauq kā anjām niklā hasrat-e-āġhāz-e-shauq
raaz ban jaane se pahle raaz ifshā ho ga.e

naala terā naaz se baalā hai
ye raaz ifshā-e-rāz se baalā hai

tum ho muḳhtār ye dil kī āvāz hai āḳhir is baat meñ kaun sā raaz hai
jis ko nisbat tumhāre hī dar se rahī vo muqaddar bhī tum ne sañvārā nahīñ