Tags-Raaz

nazar ko ik ufuq tāza-e-ruḳhī se terī miltā hai
vafā us fāsle kā raaz pā kar ḳhud sambhaltī hai

sukūt-e-rāz kaho yā sukūt-e-majbūrī
magar laboñ kī jasārat thī nāgavār kise

hai begānoñ se ḳhālī ḳhalvat-e-rāz
chale jaa.eñ na ab aa.eñ mire hosh

dafn kar rakkhe the siine ke kisī kone meñ
raaz jo tere savālāt se bāhar nikle

dushmanoñ ko mire hamrāz karoge shāyad
vaqt-e-tanhā.ī meñ āvāz karoge shāyad

vo ḳhaak samjheñge rāz-e-gul-o-saman 'tābāñ'
jo rañg-o-bū ko fareb-e-nazar samajhte haiñ

az-bas-ki ḳhuun dil kā khātā hai josh har dam
mushkil huā hai ham ko iḳhfā-e-rāz karnā

kisī kā raaz samajhtā gayā jahāñ tak bhī
samajh meñ aayā ki samjhā na kuchh abhī maiñ ne

samajh gayā vahīñ rāz-e-visāl jab dekhā
habāb terā ma.āl-e-shikastagī maiñ ne

dil meñ aatā hai tire ġham ko yaar
mahram-e-rāz kiyā chāhiye ab

mire safed kisī kā rujū maan bhī le
ki ab nahīñ vo siyah raaz go rahā hogā

jo raaz thā mirī āvārgī pe ifshā thā
tilism ban ga.ī duniyā mire qayām ke ba.ad

khulā ye raaz ki thiiñ kis qadar fareb-e-nazar
ajal ke bhes meñ rañgīniyāñ zamāne kī

kahīñ rāz-e-mohabbat āsmāñ par bhī na khul jaa.e
mujhe āh-o-fuġhāñ karne kī aadat hotī jaatī hai

dushman bhī hai hamrāz bhī anjān bhī hai vo
kyā 'ashk' ne samjhā use vo thā to koī aur

rāz-e-alam se hai shāyad ki mirā raaz judā
mujh se milne meñ hai us aañkh kā andāz judā

uqda-e-pech-o-ḳham-e-zulf kā khulnā ma.alūm
rāz-e-alam se hai ye silsila-e-rāz judā

koī aisī nafsoñ se bhī ho dam-sāz judā
dil kā andāz judā saaz judā raaz judā

rāz-e-sar-basta hai mahfil terī
jo samajh legā vo tanhā hogā

chāñd thā sāhil-e-nafas ke qarīb ek din mere dil meñ Duub gayā
sub.h kā raaz rā.egāñ Thahrā shaam bhī ghul ga.ī tamāshe meñ