Tags-Raaz

rāzdār-e-bahār-e-rafta na ho
yuuñ to is ḳhār-o-ḳhas meñ kuchh bhī nahīñ

rāz-e-dil ifshā na ho 'hassān' hai behtar yahī
hāl-e-dil khul kar kabhī lab par na laanā chāhiye

ye raaz roz koī faash kar hī detā hai
zamīn ḳhud meñ sameTe hai āsmān bahut

us ke hañsne meñ rone kā andāz hai ḳhaak uḌāne meñ fariyād kā raaz hai
us ko chheḌo na 'anvar' ḳhudā ke liye varna bīmār kā dam nikal jā.egā

jo hujūm-e-ġham se hai aañkh nam to laboñ pe naale haiñ dam-ba-dam
use kis tarah se chhupā.eñ ham kahīñ rāz-e-ishq chhupā bhī hai

dil-e-shikasta bhī thā koī rāzdāñ bhī na thā
vo mehrbāñ sahī par itnā mehrbāñ bhī na thā

is baat ko vaise to chhupāyā na gayā hai
sab ko ye magar raaz batāyā na gayā hai

ḳhalvat-e-rāz meñ kyā kaam hai hañgāme kā
hai ḳhabar-dār vahī jis ko ḳhabar kuchh bhī nahīñ

ishq meñ ḳhuub niiñ bahut ronā
is se ifshā-e-rāz hotā hai

usī jā-e-namāz o raaz pe ik roz 'sarvat'
achānak dar khulegā aur vo jhoñkā milegā

raaz hai ibrat-asar fitrat kī har tahrīr kā
mus.haf-e-nātiq kahāñ muhtāj hī tafsīr kā

apnā ham-maslak o hamrāz kise kahiye 'shakīl'
nazar us bazm meñ sab aate haiñ begāne se

vo raaz hai ye ġham aah jise pā jaa.e koī to ḳhair nahīñ
ā.ankhoñ se jab aañsū bahte haiñ aa jaa.e koī to ḳhair nahīñ

hai kise ab zindagī ke dard-e-pinhāñ kī ḳhabar
apnī barbādī kī ḳhud hī rāz-dāñ hai zindagī

mohabbat asl meñ 'maḳhmūr' vo rāz-e-haqīqat hai
samajh meñ aa gayā hai phir bhī samjhāyā nahīñ jaatā

apne ko āġhāz ko anjām meñ paayā ham ne
raaz kyā parda-e-ib.hām meñ paayā ham ne

kar apne saa.e se rāz-o-niyāz kī bāteñ
bahut udaas hai lekin bahal bhī saktā hai

kabhī jo bhūle se paḌh le vo jaan hī legā
maiñ rāz-e-ishq ko yuuñ be-hisāb likkhūñgī

mujh se pūchhe raaz kī bāteñ mujhe ma.alūm haiñ
kyuuñ pareshāñ ho koī nairañg-e-fitrat dekh kar

rafīq jitne the apne vo uTh ga.e saare
hai kaun bazm meñ ab jis ko rāzdāñ kahiye