Tags-Raaz

ye shakeb se nahīñ āshnā ise kuchh vafā se ġharaz nahīñ
yahī raaz hai yahī vaj.h hai jo dil-e-tapāñ se gurez hai

ulTī kyuuñ paḌtī hai tadbīr ye ham kyā jāneñ
kaun ulaT detā hai is raaz ko tadbīr se pūchh

mahram-e-dard-o-masarrat rāz-dār-e-sub.h-o-shām
mahfil-e-fitrat kī ḳhamoshī hai tujh se ham-kalām

dil pe kyuuñ kar faash ho jaate haiñ āzādī ke raaz
chheḌte haiñ kis tarah mahfil meñ.... bedārī kā saaz

tum ko is rāz-e-mā-sivā kī qasam
tum pe chhāyā huā hai aalam kyā

nahīñ thamte nahīñ thamte mire aañsū 'bedam'
rāz-e-dil un pe huā jaatā hai ifshā dekho

ik yahī to mirā hamrāz thā tanhā.ī kā
dard ko dil kī havelī meñ chhupā.e rakkhā

khulā ye raaz ki nā-pā.edār hai duniyā
yahāñ kisī se koī baat mo'atabar na milī

na aarzū se khulā hai na justujū se khulā
ye husn-e-rāz jo har shai meñ kār-farmā hai

raaz merī siyāh-baḳhtī kā
kaun jaane mire sivā saaqī

tumheñ jis kī chaah pe naaz thā jo tumhārā mahram-e-rāz thā
maiñ vahī huuñ āshiq-e-bā-vafā tumheñ yaad ho ki na yaad ho

jaan jaa.e yaar hai dil ko rahegā pās-e-ishq
qabr meñ jā.eñge tere rāz-e-ulfat mere saath

vus.at-e-tanzīm-e-qudarat dekhnā
ek dil meñ do-jahāñ kā raaz hai

un se mil kar maiñ unhīñ meñ kho gayā
aur jo kuchh hai vo aage raaz hai

har sadā.e ishq meñ ik raaz hai
nāla-e-dil ġhaib kī āvāz hai

jo aañsū aaveñ to pī jā ki tā rahe parda
balā hai chashm-e-tar ifshā-e-rāz karne ko

ho gayā rāz-e-ishq be-parda
us ne parde se jo nikālā muñh

rūheñ dam-sāz haiñ to jism bhī hamrāz baneñ
yuuñ to taḌpeñge ye jalte hue siine shab-bhar

kyuuñ ik taraf nigāh jamā.e hue ho tum
kyā raaz hai jo mujh se chhupā.e hue ho tum

kar diyā faash tirā ġham le kar
rāz-e-ejāz-e-masīhā ham ne