Tags-Raaz

sukūt-e-rāz vahī hai jo dāstāñ ban jaa.e
nigāh-e-nāz vahī jo nikāle baat meñ baat

tirī nigāh kī sub.heñ nigāh kī shāmeñ
harīm-e-rāz ye duniyā jahāñ na dan haiñ na raat

ik silsila-e-rāz hai jiinā ki ho marnā
jab aur hī kuchh thā magar ab aur hī kuchh hai

mirī dāstāñ bhī ajiib hai vo qadam qadam mire saath thā
jise rāz-e-dil na batā sakā jise dāġh-e-dil na dikhā sakā

nigāh-e-shauq agar dil kī tarjumāñ ho jaa.e
to zarra zarra mohabbat kā rāz-dāñ ho jaa.e

talāfī-e-sitam-e-rozgār kaun kare
tū ham-suḳhan bhī nahīñ rāz-dār bhī to nahīñ

ab anāsir meñ tavāzun DhūñDne jaa.eñ kahāñ
ham jise hamrāz samjhe pāsbāñ niklā tirā

bazm meñ jal kar kiyā shab rāz-e-ulfat āshkār
sham.a ke mānind parvāna bhī nañgā ho gayā

har jagah bandish-e-ādāb kī parvā na kareñ
mahram-e-rāz se behtar hai ki pardā na kareñ

rāz-e-sar-basta hai dil aur ye behtar hai ki 'rāz'
parda ham chehra-e-hastī se uThāyā na kareñ

ham logoñ ko apne dil ke raaz batāte rahte haiñ
log hamārī bāteñ sun kar hañste hañsāte rahte haiñ

ye māntā hai zamāna ki maiñ huuñ nāzish-e-sabr
ye raaz koī na samjhā ki merā naaz hai tū

fanā nahīñ hai ajal umr-e-jāvedānī hai
vajūd hai vo haqīqat ki jis kā raaz hai tū

ye kaun maane ki nā-āshnā-e-rāz hai tū
magar yahī ki ḳhudāvand-e-be-niyāz hai to

jise farishtoñ se qudrat chhupā ke rakhtī hai
sharāb-ḳhāne meñ vo raaz koī raaz nahīñ

agar kisī kī mohabbat meñ koī raaz na ho
to phir kisī kī mohabbat to koī raaz nahīñ

chāñd kī ra.anā.iyoñ meñ raaz ye mastūr hai
ḳhūbsūrat hai vahī jo dastaras se duur hai

gulchīñ ko nahīñ shāyad is raaz se āgāhī
shabnam meñ nahā.e gul sho.aloñ kī zabāñ bhī haiñ

raat chupke se le uḌī thī havā
raaz dil kā batā diyā hogā

tujh bin kaun banegā ḳhālī āñkheñ guñg sadā
tujh bin jaan karegā 'tāhir' kis se raaz niyāz