Tags-Raaz

rāz-e-ulfat ayaañ na ho jaa.e
sa.ī-e-ġham rā.egāñ na ho jaa.e

kyā rāz-e-mashiyyat thā ham ālam-e-hastī meñ
majbūr rahe lekin muḳhtār nazar aa.e

maḳhfī hai is meñ rāz-e-baqā-e-hayāt-e-ishq
kyā pūchhte ho haal dil-e-be-qarār kā

pūchhe koī jo raaz ke dil kā to ye kaho
ik ghar hai aur ghar bhī samundar ke sāmne

na anā ġhalat thā na haq-e-ġhalat magar itnī sī ġhalatī huī
ye jo raaz thā use chāhiye thā chhupānā parda-e-rāz meñ

us ne is tarah mohabbat kī nigāheñ Dālīñ
ham se duniyā kā koī raaz chhupāyā na gayā

piye baġhair kaho to ye tishna-kām kahe
vo rāz-e-mai jo surāhī kahe na jaam kahe

sohbat-e-vā.iz meñ bhī añgḌā.iyāñ aane lagīñ
raaz apnī mai-kashī kā kyā kaheñ kyūñkar khulā

chup lagī mujh ko gunāh-e-ishq sābit ho gayā
rañg chehre kā uḌā rāz-e-dil-e-muztar khulā

mujh meñ kuchh taab ho ai jaañ to maiñ be-tāb rahūñ
varna dushvār hai is raaz kā pinhāñ honā

jo dil kā raaz be-āh-o-fuġhāñ kahnā hī paḌtā hai
to phir apne qafas ko āshiyāñ kahnā hī paḌtā hai

rāz-e-dil faash kiyā karte ho kyā karte ho
naam se mere hayā karte ho kyā karte ho

kisī kā raaz to phir bhī parā.ī baat huī
ḳhud apne dil ko samajhnā bhī saḳht mushkil hai

kis ġharaz se phir gavārā kījiye taklīf-e-zabt
raaz rakh kar bhī mohabbat kī sazā paanī to hai

vo ghar kā raaz ho yā dostoñ kī bāteñ hoñ
kisī pe un kā kabhī inkishāf mat kiije

mujh ko paas biThā ke maañ kī ḳhāmoshī
saare dil ke raaz batāne lagtī hai

ḳhvāb-sarā-e-zāt meñ zinda ek to sūrat aisī hai
jaise koī devī baiThī ho hujra-e-rāz-o-niyāz meñ chup

avval avval bol rahe the ḳhvāb-bharī hairānī meñ
phir ham donoñ chale ga.e pātāl se gahre raaz meñ chup

kahā karte haiñ shā.ir ko suḳhan-dāñ
jo bhedī hai to mahram rāzdāñ hai

nahīñ yaarā hai mujh ko rāz-e-dil iz.hār karne kā
atā tāqat zabāñ ko ab barā-e-guftugū kar de