Tags-Raaz

hamīñ pe faash kiye rāz-hā-e-harf-o-suḳhan
to phir hameñ hī tamāshā sā kyuuñ banā rakkhā

nairañg-e-mohabbat hai har raaz mire dil kā
chup huuñ to haqīqat hai kah duuñ to fasānā hai

vo bhī to haiñ nazāra-e-kul juz meñ hai jinheñ
poshīda rāz-e-dīd to husn-e-nazar meñ hai

jab mohabbat meñ huī rusvā.ī apnī parda-dār
raaz se phir kyā ta.alluq rāz-dāñ se kyā ġharaz

alag haiñ nazreñ alag nazāre ajab haiñ rāz-o-niyāz saare
kisī ke jazbe chamak rahe haiñ kisī kā ehsās mar rahā hai

raaz haq-āshnā kā khulā jab kabhī
bādshah tak huzūrī meñ aate rahe

kyuuñ mirā shauq-e-farāvāñ hai ba-har lamha fuzūñ
kyā koī rāz-e-mashiyyat hai na milnā terā

raaz sar-basta rahā kab chāk-dāmānī kā haal
ai sabā dikhlā na apnī pāk-dāmānī mujhe

hastī kā raaz kyā hai ġham-e-hast-o-būd hai
aalam tamām dām-e-rusūm-o-quyūd hai

ġhair ko laa.e haiñ mere ghar vo ma.e bistare
bhed is meñ bhī koī us meñ bhī koī raaz hai

toḌ kar badnām tum dil ko mire ho jāoge
is meñ poshīda mohabbat kā tumhārī raaz hai

dil meñ is raaz ko tā-umr chhupā kar rakkhā
kis kī chāhat meñ thā shāmil kise hāsil huā maiñ

ye 'sāqib' ek silk hai ḳhazāna-hā-e-rāz kī
guhar vo shāhvār haiñ jinheñ maiñ yuuñ piro chukā

yā-rab kisī ke rāz-e-mohabbat kī ḳhair ho
dast-e-junūñ rahe na rahe āstīñ rahe

ziyā andar ziyā tanvīr dar tanvīr zau dar zau
koī āḳhir kahāñ tak rāz-hā-e-zindagī

vo mere raaz mujh meñ chāhtā hai munkashif karnā
mujhe mere ghane saa.e meñ tanhā chhoḌ jaatā hai

mohabbat meñ maqām aayā hai kaisā
ayaañ hone ko hai rāz-e-nihāñ tak

samajh meñ kis kī aa.e raaz mere hichkichāne kā
añdhere meñ chalā kartā hai har nāvak zamāne kā

vo din bhī kyā the ki har baat meñ ishārā thā
diloñ kā raaz nigāhoñ se āshkārā thā

banā hai dam-sāz kaun un kā pata nahīñ muddatoñ se lagtā
ye raaz ho jaa.e āshkārā kahīñ se lene ḳhabar ko chaliye