Tags-Raaz

dard-e-dil zaḳhm-e-jigar kā rāzdāñ koī nahīñ
vāqif-e-asrār-e-ġham āzār-e-jāñ koī nahīñ

husn ke bhed kā pā lenā nahīñ hai āsāñ
hai ye vo raaz ki rāzoñ meñ palā ho jaise

raaz ulfat kā chhupāne ke liye
zabt-e-girya bhī kiyā lab bhī siye

mujhe apne dil kā vo raaz de jo ḳhushī se mujh ko navāz de
vo jo mujh meñ ruuh sī phūñk de kisī roz aisā kalām kar

sannāToñ kī tah meñ ġhāsibāna raftār se baḌhtā huā
kisī masrūqa raaz kā dabīz ḳhalā

aa.ine kuchh to batā un kā to hamrāz hai tū
tū ne vo zulf vo mukhḌā vo dahan dekhā hai

duniyā-e-mohabbat meñ zamīñ aur zamāñ aur
ik sho.ala-ba-jāñ naġhma-kunāñ rāz-e-nihāñ aur

hai aql zahr junūñ zahr-e-aql kā tiryāk
ye raaz khul hī gayā ham pe bāvle-pan meñ

āñkheñ jhukā nazar na milā dil pe tiir khā
pahlā sabaq hai ishq ke rāz-o-niyāz kā

khul gayā un kī aarzū meñ ye raaz
ziist apnī nahīñ parā.ī hai

rāz-e-hastī meñ zamīñ saarī tasavvur niklī
āsmāñ apne taḳhayyul kā sahīfa dekhā

hazāroñ raaz uryāñ ho rahe haiñ
girāo aañkh par chilman girāo

sa.ī-e-be-hāsil thī dil kī koshish-e-iḳhfā-e-rāz
kar ga.ī rusvā nigāhoñ kī pareshānī mujhe

rāz-e-sar-basta hai mahfil terī
jo samajh legā vo tanhā hogā

raat talchhaT tak na chhoḌī tab kahīñ
rāz-hā-e-bāda-o-sāġhar khule

huuñ jo kasrat hī ke qaa.il un pe kyā
rāz-e-fat.h-e-sibt-e-paiġhambar khule

koī chale to zamīñ saath saath chaltī hai
ye raaz ham pe ayaañ gard-e-rahguzar se huā

pukārtī hai ḳhamoshī mirī fuġhāñ kī tarah
nigāheñ kahtī haiñ sab rāz-e-dil zabāñ kī tarah

ho gayā 'maḳhmūr' rāz-e-zindagī kā inkishāf
mauj aatī hai fanā hone ko sāhil kī taraf

jab apne aap par hameñ qaabū milā 'ravāñ'
āsān rāz-e-dahr kī tafsīr ho ga.ī