Tags-Raaz

is kā chhupānā khel nahīñ hai
raaz aur vo bhī un kā raaz

sunā hai raaz chāhat kā chhupānā saḳht mushkil hai
tirī tasvīr āñkhoñ meñ chhupā kar dekh letā huuñ

jahāñ jahāñ par qadam rakhoge tumheñ milegī vahīñ udāsī
ye raaz kuchh is tarah samajh lo makāñ mirā hai makīñ udāsī

rāz-e-dil jo tirī mahfil meñ bhī ifshā na huā
yā sar-e-dār huā yā sar-e-mai-ḳhāna huā

un se bhī dil ko 'asrār' kaise kahīñ
raaz ko to ba-har-hāl rakhnā hai raaz

tum muatamid-e-rāz the kis tarah se pahuñchī
hairat hai mirī baat zamāne kī zabāñ tak

us kī hasrat dekhiye us kā kaleja dekhiye
raaz jis kī zindagī kā us ke mar jaane meñ hai

hairateñ apnī abhī ḳhatm na hone denā
rāz-e-poshīda ik elaan meñ rakkhā gayā hai

apne dil kī saltanat ke raaz kholuñgī kabhī
istife kitne likhe haiñ nā-gahānī chaah par

tū raaz samjhā nahīñ dard kī pahelī kā
vo dāstāñ thī mirī naam thā sahelī kā

junūñ ne laakh kiyā chaak jeb-o-dāmāñ ko
ye rāz-e-ishq magar āshkār ho na sakā

mere sanam-kade meñ ka.ī aur but bhī haiñ
ik merī zindagī ke tumhīñ rāz-dāñ nahīñ

parda to rāz-e-ishq se ai yaar uTh chukā
be-sūd ham se muñh ke chhupāne ne kyā kiyā

kab ḳhamoshī ko mohabbat kī zabāñ samjhā thā maiñ
thā ayaañ vo rāz-e-dil jis ko nihāñ samjhā thā maiñ

junūñ kī shoḳh adāoñ ne faash kar hī diyā
vo ek raaz ḳhirad ne jise chhupāyā thā

kisī kā bhī nahīñ ab e.atibār duniyā meñ
kaheñ to kis ko kaheñ ham jahān meñ hamrāz

tamām zindagī is justujū meñ guzrī hai
na khul sakā kisī sūrat bhī zindagī kā raaz

dil Tapakne lagā hai āñkhoñ se
ab kise rāzdāñ kare koī

ruḳhsat shab-e-firāq bahut sah liyā tujhe
hamrāz garche ḳhvāb sitārā to hai abhī

daaġh kā mere dard-kash sadma
dard kī mere rāz-dār balā