Tags-Raaz

rāz-e-hastī meñ zamīñ saarī tasavvur niklī
āsmāñ apne taḳhayyul kā sahīfa dekhā

tumhāre raaz tum hī jānte ho
sab kuchh jhuuT hai ik Dhoñg hai

dar-asl hai mirī hastī kī kā.enāt 'ejāz'
vo ik nigāh jise zindagī kā raaz kahūñ

tanhā tirā ḳhudā nahīñ ai āshnā-e-rāz
terā bhī kārsāz hai merā bhī kārsāz

rahtā hai be-niyāz jo aab o sarāb se
khultā hai rāz-e-dasht usī sārbān par

tarz-e-ḳhāmoshī mirī batlātī hai is raaz ko
huuñ navāsanj-e-haqīqat laakh maiñ ḳhāmosh huuñ

ye pichhle pahar kā zard-rū chāñd
be-rāz o niyāz-e-āshnā.ī

hotā hai faash girya-e-paiham se rāz-e-ishq
ai sham.a rāz-dārī-e-parvāna chāhiye

ham rāz-e-dil chhupāte magar apnī zindagī
puurī khulī kitāb agar ho to kyā kareñ

raat bhar chāñd se hotī raheñ terī bāteñ
raat khole haiñ sitāroñ ne tire raaz bahut

magar un pe rāz-e-mohabbat khulā
jo 'majrūh' se bach ke jaane lage

raat Dhalī hai chāñd gum duur jale haiñ do diye
raaz to hai pa kis ke paas jaa.eñ ye raaz le ke ham

raqs-e-sharar meñ kho ga.e barq ke dil se mil ga.e
lāla-o-gul meñ khil ga.e maut kā raaz le ke ham

daur-e-hayāt mahz thā is ke harīm-e-rāz meñ
kaif-o-asar kā zikr kyā ziist kā bhī nishāñ na thā

ḳhalvatiyān-e-rāz se hāl-e-visāl-e-yār pūchh
husn bhī be-naqāb thā ishq bhī darmiyāñ na thā

vo ek raaz! jo muddat se raaz thā hī nahīñ
us ek raaz se parda uThā diyā gayā hai

vo yaqīnan rāz-andar-rāz thā lekin use
ek din mujh nā-tavāñ par munkashif honā paḌā

agar ho zauq to ḳhalvat meñ paḌh zubūr-e-ajam
fuġhān-e-nīm-shabī be-navā-e-rāz nahīñ

kaisā hī dost ho na kahe rāz-e-dil koī
niklī jo baat muñh se to phailī jahān meñ

ab ham pe khulā ye raaz chaman uljhā ke bahāroñ meñ dāman
kāñToñ se nikalnā āsāñ thā phūloñ se nikalnā mushkil hai