Tags-Rang

vahshat ke sau rañg dikhāne vaalā maiñ
ḳhud apnī zanjīr banāne vaalā maiñ

rañg o bū kyā hai ye to samjhā do
sair-e-duniyā-e-rañg-o-bū to kareñ

apnā apnā rañg dikhlātī haiñ jaanī chūḌiyāñ
āsmānī arġhavānī za.afrānī chūḌiyāñ

rañg mehñdī kā tirī dast-e-nigārāñ meñ nahīñ
kar rahī haiñ ai parī ātish-fishānī chūḌiyāñ

ik zarā rañg-e-nazākat bhī rahī madd-e-nazar
dhān-pān ai jaan tum ho pahno dhānī chūḌiyāñ

sukūt-e-shām kā hissa tū mat banā mujh ko
maiñ rañg huuñ so kisī mauj meñ milā mujh ko

mai-kade kā 'jalīl' rañg na pūchh
raqs-e-jām o ḳhum o subū hai vahī

qafas se chhuT ke vatan kā surāġh bhī na milā
vo rañg-e-lāla-o-gul thā ki baaġh bhī na milā

bārish-e-rañg-o-nūr se jaan chaman meñ paḌ ga.ī
phuul tamām khil uThe peḌ sabhī nikhar ga.e

ajab rañg-e-ta.alluq hai mohabbat kā mire dil se
ki us ko toḌnā bhī aur sadā ke saath bhī rahnā

quyūd-e-āgahī se jab sahm ga.iiñ jibillateñ
nazar ke gird rañg kā hisār kar liyā gayā

tirī nazroñ hī tak thā sab salīqa ahl-e-mahfil kā
tire uThte hī jān-e-husn rañg-e-anjuman bigḌā

kī na chashm-e-shauq ne jumbish-e-hujūm-e-rañg meñ
mujh pe taarī ho gayā aalam tirī tasvīr kā

haa.e ye husn-e-tasavvur kā fareb-e-rañg-o-bū
maiñ ye samjhā jaise vo jān-e-bahār aa hī gayā

maiñ to is shauq meñ hotā huuñ ki kuchh boleñ log
bolnā apnā kabhī rañg to dikhlā.egā

badlā huā hai rañg jahāñ mai-kashī ke ba.ad
ḳhud se lagāv hone lagā be-ḳhudī ke ba.ad

ab tak hai vahī aalam dil kā vahī rañg-e-shafaq vahī tez havā
vahī saarā manzar jaadū kā mere nain se nain milā.e hue

tire dīvāne har rañg rahe tire dhyān kī jot jagā.e hue
kabhī nithre suthre kapḌoñ meñ kabhī añg bhabhūt ramā.e hue

kahkashāñ maañg meñ sañvarne lagī
rañg kājal meñ Dhal ga.e kitne

hamārā rañg-e-tabī.ī hai sulh-e-kul mashrab
pasand ham ko nahīñ qāfiya bhī jhanjhaT kā