Tags-Rang

vo rañg tumhāre kaam aayā
uḌtā hai jo ġham kī dopahar meñ

me.ayār-e-jamāl-o-rañg-o-bū the
vo jab tak rahe merī chashm-e-tar meñ

rañg-o-bū gul se mukar jaa.eñ to rahtā kyā hai
aag bujh jaa.e to sūraj kā laqab kuchh bhī nahīñ

shahad sā ghul gayā talḳhāba-e-tanhā.ī meñ
rañg sā phail gayā dil ke siyah-ḳhāne meñ

ye rañg-e-be-kasī rañg-e-junūñ ban jā.egā ġhāfil
samajh le yās-o-hirmāñ ke maraz kī intihā kyā hai

chamaktā hai shahīdoñ kā lahū parde meñ qudrat ke
shafaq kā husn kyā hai shoḳhi-e-rañg-e-hinā kyā hai

agar hotā zamāna gesū-e-shab-rañg kā tere
mirī shab-dīz saudā kā ziyāda-tar qadam nikle

saaf uḌ jaatā hai ḳhāsān-e-ḳharābāt kā rañg
ham vo mai-ḳhvār haiñ pī pī ke sambhal jaate haiñ

ye kis ke rañg-e-ruḳh-e-bahārīñ ne baḳhsh dī hai tarāvat-e-nau
shagufta hotā na thā gulistāñ meñ us adā se gulāb pahle

vo dikhā.ī nahīñ detā use chhū lete haiñ
lafz meñ rañg meñ ḳhushbū meñ sadā meñ ham log

koī bhī ġham ho ġham-e-dil ki ġham-e-dahr 'hafīz'
ham ba-har-hāl ba-har-rañg ġhazal-ḳhvāñ hoñge

aage baat baḌhā.eñ kaise baat bane to baat baḌhe
ab tak rañg akahrā thā gar koī baḌhā to haath baḌhe

ishq se hai faroġh-e-rañg-e-jahāñ
ibtidā ham haiñ intihā haiñ ham

is taraf se zarā guzar jaao
ḳhushk pattoñ meñ rañg bhar jaao

phuul kī pattī pe koī zaḳhm Daal
aa.ine meñ rañg kā iz.hār kar

dhuul se anfās ke paikar tarāsh
ḳhushbuoñ meñ rañg kā iz.hār kar

baat kafan kī niklī thī par raste meñ nīlām huī
rañg-birañgī chunarī ho ga.ī jab pahuñchī aḳhbāroñ tak

shīsha mai-e-gulgūñ kā hai yā rañg-e-shafaq se
rañg apne dikhātā hai mujhe charḳh-e-zujā.ī

matā-e-barg-o-samar vahī hai shabāhat-e-rañg-o-bū vahī hai
khulā ki is baar bhī chaman par giraft-e-dast-e-numū vahī hai

ajab us zamīñ kī fazā hai
ajab aaj rañg-e-falak hai