Tags-Rang

kauñdtī hai hazār rañg se barq
phir bhī shoḳhī tirī nahīñ aatī

ab jo raqsā hai ka.ī rañg bhare chehroñ meñ
yahī miTTī kabhī bekār uḌā kartī thī

rañg ke jaal hī milte haiñ jidhar jaatā huuñ
raushnī yuuñ na mujhe tañg kiyā kartī thī

aaj kī shab ḳhaas hogī jab sunā.ūñgā use
ek qissa apnā zaatī dāstānī rañg kā

pairahan us kā hai aisā yā jhalaktā hai badan
ik parī-vash raqs meñ hai urġhuvānī rañg kā

hijr ke bādal chhaTe to vasl kī taqvīm meñ
dil huvaidā ho rahā hai gulsitānī rañg kā

haañ usī ne phuul Tāñke hoñge in ashjār par
jis ne miTTī ko diyā hai jubba dhānī rañg kā

us ke partav se huā hai zāfrānī rañg kā
ā.īna to aaj bhī hai kahkashānī rañg kā

gar diloñ se yuuñ dhuāñ uThtā rahegā raat din
āsmāñ kaise bachegā āsmānī rañg kā

dostoñ kī mehrbānī se huā ye kaam bhī
maiñ ne dekhā hī nahīñ thā ḳhuun paanī rañg kā

gar charḳh pe jaave to shafaq hove mirā ḳhuuñ
var ḳhaak meñ pinhāñ ho to vaañ rañg-e-hinā ho

ye daur hai chashm-e-surma-gūñ kā falak hai ik qatra bahr-e-ḳhūñ kā
jahān meñ rañg hai fusūñ kā hai mast har shaiḳh-o-shabāb kaisā

kabhī vo mastī meñ rañg laa.e kabhī kiyā shaad muskurā.e
ajab tarah ke maze uThā.e visāl kī shab meñ ḳhvāb kaisā

rañg pairāhan-e-ḳhākī kā badalne ke liye
mujh ko jaanā hai abhī reg-e-ravāñ se aage

har na.ī bazm tirī yaad kā māhaul banī
maiñ ne ye rañg bhī dekhā tirī yaktā.ī kā

use duniyā kī sau fikreñ hameñ ik rañg-e-nādārī
kahīñ mun.im kī daulat se hamārī muflisī achchhī

rañg badlā hai ka.ī din se mizāj-e-yār kā
joḌ shāyad chal gayā phir aaj kal aġhyār kā

mai ko gul-rañg kar diyā kis ne
ḳhuun le kar kalī ke siine se

jaane kis rañg se aa.ī hai gulistāñ meñ bahār
koī naġhma hī nahīñ shor-e-salāsil ke sivā

ḳhud-farebī to haiñ mushtāq ki is dast meñ kab
āsmāñ rañg-e-fusūñ-sāz-e-shaġhāl aatā hai