Tags-Rang

dasht-e-vafā meñ jal ke na rah jaa.eñ apne dil
vo dhuup hai ki rañg haiñ kaale paḌe hue

yuuñ hai us kī bazm-e-tarab meñ ik dil ġham-dīda jaise
chāroñ jānib rañg-mahal haiñ beach meñ ik vīrāna hai

hamāre hāsidoñ kī chaal āḳhir rañg le aa.ī
bahut badlī huī un kī nazar ma.alūm hotī hai

is rañg se apne ghar na jaanā
dāman tirā ḳhuuñ meñ tar bahut hai

kis ke bal par vo shoḳh hai maġhrūr
ḳhat-e-shab-rañg fauj-e-shām nahīñ

chamak ḳhush-rañg lahje kī tumhāre
na.ī sham.eñ jalā detī hai ab bhī

tilism-ḳhāna-e-sad-rañg-o-bū meñ ai 'sāġhar'
fareb-e-shola-o-shabnam faroḳht hotā hai

amn thā pyaar thā mohabbat thā
rañg thā nuur thā navā thā firāq

rañg rah rah ke tire ruḳh kā uḌā jaatā hai
varna maiñ aur tirī mahfil-e-tamkīñ se uThūñ

ārzū-e-rañg meñ korī chunariyā kho ga.ī
mil ga.ī vāpas jo vo mailī nishānī aur hai

dil shafaq-rañg huā Dūbte sūraj kī tarah
raat aa.egī to har ḳhvāb bikhar jā.egā

nikālā hai ye rañg 'hālī' ne 'sālik'
ki har sher dīvāñ huā chāhtā hai

qad meñ ḳham āñkhoñ meñ nam chehre pe jhurrī rañg zard
sar se pā tak saḳht nā-ḳhush manzarī bad-hai.atī

rañg-e-tamkīn-e-gul-o-lālā pareshāñ kyuuñ hai
gar charāġhān-e-sar-e-rah-guzar-e-bād nahīñ

ik shab na use laa.e kuchh rañg na dikhlā.e
ik shor-e-qayāmat hī nāloñ ne uThā jaanā

raat ko mai-kade meñ kal thī kisī mast kī sadā
ek nazar kā rañg hai rañg-e-sharāb kuchh nahīñ

jo ulaT chuke haiñ bisāt-e-dahr ko agle vaqtoñ meñ bārhā
vahī aaj gardish-e-baḳht hai vahī rañg-e-daur-e-qamar bhī hai

ye visāl-o-hijr kī bahs kyā ki ajiib chiiz hai ishq bhī
tujhe pā ke hai vahī dard-e-dil vahī rañg-e-zaḳhm-e-jigar bhī hai

tilā.ī rañg par kyuuñ kar na un logoñ ko ġharrā ho
ye zar vo chehra hai ḳhātir meñ naḳhvat aa hī jaatī hai

ḳhair se baaġh meñ phir ġhuncha-e-gul-rañg khilā
shukr hai daur meñ phir sāġhar-e-sarshār aayā