Tags-Rang

yuuñ to is raah meñ lahke ka.ī āñchal lekin
dil pe vo rañg chaḌhā hai ki utartā hī nahīñ

na kahīñ abr kā ghūñghaT na havā kī pāzeb
din ka.ī din se tire rañg meñ dekhā hī nahīñ

ye bhī ik rañg hai shāyad mirī mahrūmī kā
koī hañs de to mohabbat kā gumāñ hotā hai

raat aa.egī to dikhlā.egā kuchh aur hī rañg
vo jo din bhar to parāyā lagā aur shaam tirā

jis tarah rañg-e-shafaq jhiil meñ ghul jaatā hai
aks-e-lab aise utartā hai tah-e-jām tirā

bayād-e-garmī-e-sohbat ba-rañg-e-sho.ala dahke hai
chhupā.ūñ kyūñki 'ġhālib' sozisheñ dāġh-e-numāyāñ kī

timsāl pe ḳhūn-e-nāhaq bhī aur ātish-e-zulm-o-jaur bhī hai
Duubī huī chashm-e-shauq bhī hai ḳhush-rañg ruḳh-e-jānāna tak

vahī nairañgī-e-rañg-e-zamāna
vahī dil kī sadā hai aur maiñ huuñ

har ek rañg meñ dekhā hai us ko āñkhoñ ne
ye rañg pahle kabhī āsmāñ ke the hī nahīñ

ḳhvāb-hā-ḳhvāb jis ko chāhā thā
rañg-hā-rañg usī ko bhuul gayā

koī dast-e-hinā.ī mū-qalam se bhartā jaatā hai
nigār-e-shām meñ rañg-e-sharāb āhista āhista

aziiz itnā tirā rañg-o-bū lage hai mujhe
koī qarīb se guzre to tū lage hai mujhe

magar ye raaz faqat titliyāñ samajhtī haiñ
chamakte rañg bhī jiinā muhāl karte haiñ

tamām raat nahāyā thā shahr bārish meñ
vo rañg utar hī ga.e jo utarne vaale the

rang-e-hasrat kā tamāshā dekhnā thā gar tumheñ
raqs-e-āḳhir dekhte tum aa ke bismil ke qarīb

ye rañg paash hue haiñ vo aaj ai 'nādir'
hai farsh-e-bazm-e-tarab lāla-zār holī meñ

tire jamāl-e-shafaq-rañg kā zuhūr huuñ maiñ
milā hai terī tamāzat se ye vaqār mujhe

mujhe jo qumquma maarā to kar diyā bismil
ajiib rañg se khele shikār holī meñ

hañgām-e-yād dil meñ na aahaT na dastakeñ
shorish-kade meñ raat ḳhamoshī kā rañg thā

terī ināyatoñ kā ajab rañg Dhañg thā
tere huzūr pā-e-qanā.at meñ lañg thā