Tags-Rang

zindagī baiThī thī apne husn par bhūlī huī
maut ne aate hī saarā rañg phīkā kar diyā

sub.h ke sūraj kī zau dekhiye kab tak na aa.e
dahr pe ye rañg-e-shām dekhiye kab tak rahe

gulū-gīr ab to aisā inqalāb-e-rañg-e-ālam hai
ki naġhme nikle minqār-e-anādil se fuġhāñ ho kar

dil kabhī shahr-e-sadā-rañg huā kartā thā
ab to ujḌe hue Dere ke sivā kuchh bhī nahīñ

kab bahāroñ pe tire rañg kā saayā na paḌā
kab tire gesuoñ ko bād-e-sahar chhū na ga.ī

chāñdī jaisā rañg hai terā sone jaise baal
ik tū hī dhanvān hai gorī baaqī sab kañgāl

beach meñ rañg-mahal hai terā khaa.ī chāroñ or
ham se milne kī ab gorī tū hī raah nikāl

kachche rañg utar jaa.eñ to sab kuchh yūñhī lagtā hai
saare ḳhvāb bikhar jaa.eñ to sab kuchh yuuñ hī lagtā hai

tirā jamāl fasānoñ meñ rañg bhartā hai
tire shabāb se dilkash mirī kahānī hai

chehre pe mere rañg pareshāniyoñ kā hai
dariyā meñ saarā zor hī tuġhyāniyoñ kā hai

ek ḳhushbū meñ rahī mujh ko talāsh-e-ḳhad-o-ḳhāl
rañg fasleñ mirī yaaro huiiñ barbād us meñ

us ke bāġhāt pe utrā huā thā mausam-e-rañg
qābil-e-dīd har ik samt se manzar koī thā

hai rañg rañg magar āftāb ā.īna
jabīn-e-shab pe to likkhe savāl kaale the

rañg vo le gayā magar mujh meñ
apnī ḳhushbū samo gayā hai kahīñ

laal Dore tirī āñkhoñ meñ jo dekhe to khulā
mai-e-gul-rañg se labrez haiñ paimāne do

hai āb-e-nahr sūrat-e-ā.īna jalva-gar
tābāñ hai misl-e-chashma-e-ḳhurshīd har bhañvar

mausam se rañg-o-bū haiñ ḳhafā dekhte chalo
ye kyā chalī chaman meñ havā dekhte chalo

ziist ne murda banā rakkhā thā mujh ko hijr meñ
maut ne dikhlā diyā aa kar masīhā.ī kā rañg

rañg badle ka.ī zamānoñ ne
dil kī hālat ki juuñ kā tuuñ Thahrā

hañste haiñ dekh dekh ke sab nā-tavāñ mujhe
ye rañg zard hai chaman zāfarāñ mujhe