Tags-Rang

samā.ateñ huiiñ pur-shauq hādsoñ ke liye
zarā sā rañg-e-bayāñ jab ḳhabar pe Daal diyā

phūloñ se vo har sub.h uḌā letā hai surḳhī
be-rañg kalī ko bhī nikharne nahīñ detā

ye uḌā.eñge kabhī rañg bhī ye dikhā.eñge kabhī rañg bhī
yahī lā.eñge kabhī rañg bhī jo rañgeñ haiñ rañg-e-majāz meñ

rañg gulzār kā shabnam sā uḌā jaatā hai
rū-ba-rū tere hazārī nahīñ favvāre haiñ

jab kabhī niklā julūs-e-rañg-o-nik.hat
TuuTī dīvāroñ se saT kar rah gayā maiñ

ik rañg-e-iltifāt bhī us be-ruḳhī meñ thā
ik sādgī bhī us nigah-e-sahar fan meñ thī

abhī ummīd ko māyūsiyoñ kā rañg na de
Thahar Thahar abhī us kā ḳhayāl aa.egā

hunar kā aks bhī ho aa.ina bhī ban jaao
phir us ke ba.ad hī rañg-e-kamāl aa.egā

is rañg badaltī duniyā meñ pahchān baḌī hī mushkil hai
ye kis ko ḳhabar hai ai 'shāhid' kis bhes meñ kaun luTerā hai

naqsh-e-vafā meñ rañg vahī hai dekho to
jis kī duniyā jo duniyā kā dushman hai

karte palaT ke apne hī saa.e se guftugū
sahrā meñ zard-rañg samundar bhī dekhte

āñganoñ meñ dafn ho kar rah ga.ī haiñ ḳhvāhisheñ
haath piile hote hote rañg piile ho ga.e

aap agar mā.il-e-tajdīd-e-sitam ho jaa.eñ
rañg-e-ta.alīm-e-vafā aur nikhar jā.egā

daad be-dād kī is meñ koī taḳhsīs nahīñ
naqsh-e-hastī meñ koī rañg to bhar jā.egā

rañg chehre pe ghulā ho jaise
ā.īna dekh rahā ho jaise

'manzūr' lahū kī buuñd koī ab tak na mirī bekār girī
yā rañg-e-hinā ban kar chamkī yā pesh-e-saīlb-o-dār girī

'shām' ye raushnī ye rañg ke phaile hue jaal
ik zarā un ke tilismāt meñ aa.eñ to sahī

mirī virāsat meñ jo bhī kuchh hai vo sab isī dahr ke liye hai
ye rañg ik ḳhvāb ke liye hai ye aag ik shahr ke liye hai

zabān-e-sher pe mohar-e-sukūt hai ab tak
jalāl-e-saut-o-suḳhan rañg par nahīñ aayā

baḌh gayā aur rañg-e-istiġhnā
dard-e-dil kah ke apnī baat ga.ī