Tags-Rang

yuuñ sajā chāñd ki jhalkā tire andāz kā rañg
yuuñ fazā mahkī ki badlā mire hamrāz kā rañg

ik suḳhan aur ki phir rañg-e-takallum terā
harf-e-sāda ko ināyat kare e.ajāz kā rañg

chañg o nai rañg pe the apne lahū ke dam se
dil ne lai badlī to maddham huā har saaz kā rañg

us meñ chaman kā rañg na is meñ chaman kā ruup
ham bū-e-gul se aaj pareshān se rahe

ye to haiñ chand hī jalve jo chhalak aa.e haiñ
rañg haiñ aur mire dil ke gulistāñ meñ abhī

are o adīb-e-fasurda-ḳhū are o muġhanni-e-rañg o bū
abhī hāshiye pe khaḌā hai tū bahut aage ahl-e-hunar ga.e

har ek manzar-e-ḳhush-rañg be-panāh sahī
mirī nazar meñ vahī aks gum-shuda hogā

ġhazal fazā bhī DhūñDtī hai apne ḳhaas rañg kī
hamārā mas.ala faqat qalam davāt hī nahīñ

aaj be-kaif huuñ be-rañg huuñ behāl huuñ maiñ
ḳhud yagānoñ kī nigāhoñ se bhī pāmāl huuñ maiñ

rañg-e-nazar se husn-e-tamannā nikhār ke
baiThī huuñ aaj kākul-e-hastī sañvār ke

maiḳhāna-e-hastī meñ ham ne ye rañg nayā dekhā saaqī
jin bāda-kashoñ ko hosh nahīñ vo hosh kā da.avā karte haiñ

rañg-e-hinā hai aaj bhī mamnūn is liye
mere lahū kā rañg thā jashn-e-bahār meñ

gardish-e-rañg-e-tarab se Dar hai
ġham-e-mahrūmi-e-jāved nahīñ

be-shauq-e-talab be-zauq-e-nazar be-rañg thī un kī gul-badanī
ye kohkan-o-majnūñ kī nazar shīrīñ bhī banī lailā bhī banī

kis ke aa.e kis se rañg-raliyāñ kiyā pyaar aur chaah
ishq kī badnāmī pyāre rakh ke mujh uupar chale

koī tujh sā hasīñ duniyā-e-rañg-o-bū meñ kyā hogā
ai merī jaan ke TukḌe ai merī ḳhaak ke ḳhitte

fazā jhuum kar rañg barsā rahī hai
har ik saañs sho.ala banī jā rahī hai

kyoñ tere muqaddar meñ nahīñ merī mohabbat
dikhlā.e tū be-rañg hathelī to batā.ūñ

vaqt kī navāzishoñ ne ḳhuun kar diyā safed
sargirāñ the ham guloñ se rañg judā kaise ho

ye jo shāḳh-e-lab pe hujūm-e-rañg-e-sadā khilā hai galī galī
kahīñ koī sho.ala-e-be-navā kisī qatl-gāh meñ jal-bujhā