Tags-Rang

ruuh kā chehra kitābī hogā
jism kā rañg unnābī hogā

surāġh-e-jāda-e-manzil jo de gayā hai 'farīd'
hinā kā rañg hai vo rāste kī dhuul nahīñ

Dhañg hai samā.at kā rañg hai basārat kā be-tarah-o-be-ma.anī
nañg ke liye dauḌeñ ham bhī saarī duniyā meñ ek jañg jaarī hai

ho ke sarshār bahut ishq se gaa.eñ holī
ik na.e rañg se apnoñ ko sunā.eñ holī

ḳhuun ḳhud shauq o tamannā kā kiyā hai maiñ ne
apnī tasvīr ko ik rañg diyā hai maiñ ne

yuuñ dil meñ uThī lahr yuuñ āñkhoñ meñ bhare rañg
jaise mire hālāt sañvar jā.eñge ik din

bahār de na sakī ek phuul ko bhī nikhār
ḳhizāñ ke saath hai rañg-e-bahār kyā hogā

isī ḳhayāl se maiñ arz-e-shauq kar na sakā
hayā se rañg-e-ruḳh-e-tāb-dār kyā hogā

darīcha khole hue rañg aur ḳhushbū kā
suhānī-shām ko tasvīr kar rahī huuñ maiñ

us kā bhī koī rañg-e-suḳhan hai
jis kī koī Taksāl nahīñ hai

phir bād-e-sabā vo aa pahuñchī phir rañg khilā nik.hat phailī
ai lūTne vaalo ab luuTo ma.amūr ḳhazāna phūloñ kā

ek be-rañg se ġhubār meñ huuñ
terī āvāz ke hisār meñ huuñ

yaaro merā kyā hai kaf-e-qātil kī ra.anā.ī dekho
ḳhuun hī kyuuñ ho rañg-e-hinā ho ye bhī to ho saktā hai

vo kis kī naġhmagī thī jo dāroñ saroñ meñ thī
rañgoñ meñ kis ke rañg se ra.anā.ī aa.ī thī

ab vo piirī meñ kahāñ ahd-e-javānī kī umañg
rañg maujoñ kā badal jāatā hai sāhil ke qarīb

mujhe bhulā na sakegī ye rahguzār-e-junūñ
qadam jamā na sakā rañg to jamā gayā huuñ

sard haiñ dil ātish-e-rū-e-nigārāñ chāhiye
sho.ala-rañg-e-bahār-e-gul-ezārāñ chāhiye

mat pūchh ki is paikar-e-ḳhush-rañg meñ kyā hai
ik ret kā Tiila pas-e-dīvār-e-qabā hai

chañg o nai rañg pe the apne lahū ke dam se
dil ne lai badlī to maddham huā har saaz kā rañg

be-piye huuñ ki agar lutf karo āḳhir-e-shab
shīsha-e-mai meñ Dhale sub.h ke āġhāz kā rañg