Tags-Rang

yuuñ mirā soz-e-jigar duniyā meñ rusvā ho gayā
sher-o-naġhma rañg-o-nik.hat jām-o-sahbā ho gayā

havas kā rañg chaḌhā us pe aur utar bhī gayā
vo ḳhud hī jam.a huā aur ḳhud bikhar bhī gayā

aa ga.e rañg ke dhoke meñ zamāne vaale
surḳh phūloñ pe jhapaTtī rahīñ chīleñ kachchī

rañg bāteñ kareñ aur bātoñ se ḳhushbū aa.e
dard phūloñ kī tarah mahke agar tū aa.e

fanā isī rañg par hai qaa.im falak vahī chaal chal rahā hai
shikasta o muntashir hai vo kal jo aaj sāñche meñ Dhal rahā hai

tazkira un kā hī jo rañg badal jaate haiñ
baat sāyoñ kī nahīñ saa.e to Dhal jaate haiñ

ḳhizāñ ke aane se pahle hī thā mujhe ma.alūm
ki rañg-o-bū-e-chaman kā kuchh e'tibār nahīñ

vo harārat tere hoñToñ kī na hogī pā.emāl
jiske sho.aloñ se nikhar jaatā hai rañg-e-naunihāl

aurteñ bechaiñgī jab stage par bā-raqs-o-chañg
apnī āñkhoñ kī lagāvaT apne ruḳhsāroñ kā rañg

hech hai har chiiz zevar ġhāza afshāñ rañg o ḳhaal
husn ḳhud apnī jagah hai sau kamāloñ kā kamāl

rañg-o-ḳhushbū kā kahīñ koī kare zikr to baat
ghuum phir kar tirī poshāk pe aa jaatī hai

tumhī ko aaj mire rū-ba-rū bhī honā thā
aur aise rañg meñ jis kā kabhī gumāñ bhī na ho

abhī bahut rañg haiñ jo tum ne nahīñ chhue haiñ
kabhī yahāñ aa ke gaañv kī zindagī to dekho

bas ai rañg-o-bū tū na kar naaz be-jā
ḳhudā jaane kyā baat ham dekhte haiñ

rañg badlā kyā zamāne ne 'riyāz'
dekhte hī dekhte kyā ho gayā

ḳhizāñ kī shaal meñ lipTe shajar pe parvāne
numū ke giit likhe rañg-e-mumkināt ke saath

sharāfat rañg dikhlātī hai 'dānish'
ka.ī dushman Thikāne lag ga.e haiñ

sab rañg nā-tamām hoñ halkā libās ho
shaffāf pāniyoñ pe kañval kā libās ho

mirī numūd se paidā hai rañg-e-nākāmī
pisā huā huuñ kisī ke hinā lagāne kā

ridā-e-rañg se chhantā huā badan terā
ye chāñdnī ki tamāzat hai tere paikar kī