Tags-Rang

vahī mohtasib kī malāmateñ vahī ek vāzeh hasīñ mirī
vahī rañg rañg subū mirā vahī daaġh daaġh jabīñ mirī

tapish-e-rañg jhulas Dālegī
kyā kare soḳhta-jānī merī

rañg kahte haiñ kahānī merī
kis kī ḳhushbū thī javānī merī

kabhī kabhī kī mulāqāt thī sau vo bhī ga.ī
tirī nigāh kā rañg-e-bahāna-jū bhī nahīñ

vo roz-o-shab bhī nahīñ haiñ vo rañg-o-bū bhī nahīñ
vo bazm-e-jām-o-subū bhī nahīñ vo tū bhī nahīñ

ḳhush-rañg pairahan se badan to chamak uThe
lekin savāl ruuh kī tābāniyoñ kā hai

bisāt-e-rañg thī muTThī meñ us kī
qadam us kā bashārat kī tarah thā

ḳhūn-e-ehsās ko maujoñ kī ravānī samjhe
ashk-e-gul-rañg the vo ham jinheñ paanī samjhe

sabz lamhoñ ko ugāne kā hunar bhī sīkhnā
varna is rañg-e-talab ko der hotī jā.egī

hamāre gul-andām kā hai ye rañg
zarā dhuup meñ nikle sañvlā ga.e

asl vahdat kī binā hai adam-e-ġhairiyyat
us kā jab rañg jamā ġhair ko apnā jaanā

ye ishq peshgī dār-o-rasan ke hañgāme
ye rañg zinda salāmat hai ya.anī ham abhī haiñ

chaman vahī hai ghaTā.eñ vahī bahār vahī
magar guloñ meñ vo ab rañg-o-bū nahīñ baaqī

in āñkhoñ meñ rañg tumhāre khulte haiñ
ye mausam kab phuul khilāne aate haiñ

rañg-e-gul aur lagā mauj-e-sabā aur lagī
kis ke aane se gulistāñ kī fazā aur lagī

maiñ ne dekhā hai vaqt badle to
rañg tasvīr bhī badaltī hai

jibra.īl
hamdam-e-dairīna kaisā hai jahān-e-rañg-o-bū

tirī chāhatoñ se sañvar ga.e ye mire jamāl ke ā.īne
maiñ gulāb ban ke mahak uThī maiñ shafaq ke rañg meñ Dhal ga.ī

na vo aarzū hai na justujū na koī tasavvur-e-rañg-o-bū
liye dil meñ dāġh-e-ġham-e-ḳhizāñ maiñ chaman se duur nikal ga.ī

ḳhuun kā rañg liye garm dhueñ ke bādal
sard aḳhbār ke siine se uThā karte haiñ