Tags-Rang

dil hai bas ab alam se shaq yaas se rañg ruḳh hai faq
dekheñge ham kab ai 'qalaq' āñkhoñ se marqad-e-alī

hai dīdanī rañg-e-rū-e-qātil
har zaḳhm javāb māñgtā hai

ḳhuun pī pī ke pilā kartī hai añgūr kī bel
gar yahī rañg-e-tamannā thā chalo yūñhī sahī

aur vo merī mohabbat pe kabhī hañs na sakeñ
maiñ bhī be-rañg nigāhoñ kī shikāyat na karūñ

ab jo aa.e ho to Thahro ki koī rañg koī rut koī shai
ek jagah par Thahre

yaqīn hai na gumāñ hai zarā sambhal ke chalo
ajiib rañg-e-jahāñ hai zarā sambhal ke chalo

har rañg-e-junūñ bharne vaalo shab-bedārī karne vaalo
hai ishq vo mazdūrī jis meñ mehnat bhī vasūl nahīñ hotī

jamā thā jis vaqt rañg-e-sohbat thā nek-o-bad meñ bhī lutf-e-ḳhullat
magar ḳhizāñ aa.ī yā qayāmat na phuul dekhā na ḳhaar dekhā

banā ke ā.īna-e-tasavvur jahāñ dil-e-dāġh-dār dekhā
firāq meñ lutf-e-vasl paayā ḳhizāñ meñ rañg-e-bahār dekhā

ā.ina-rañg kā sailāb hai pāyāb bahut
aañkh miltī to ye manzar bhī dikhāte ḳhud ko

tamām ramish-o-rañg us ke saath haiñ 'manzar'
to is jahān se raġhbat hī kyā rahī hai mujhe

adū kā maiñ huuñ adū muqarrar barābar aa ke hue barābar
bhalā badaltā na rañg kyuuñ kar vo rañg apne jamā chuke the

rañg-birañge kapḌoñ meñ ik majma.a mele se aayā hai
koī chehra un chehroñ meñ tere jaisā DhūñD rahā huuñ

band TuuTe maskī mahram rañg uḌā joban luTā
ġhair ke ghar jā ke un kī ḳhuub mehmānī huī

rañg darkār the ham ko tirī ḳhāmoshī ke
ek āvāz kī tasvīr banānī thī hameñ

ham ko jannat kī fazā se bhī ziyāda hai aziiz
yahī be-rañg sī duniyā yahī be-mehr se log

dekhā nigāh-e-yās se jab gul-kade kā rañg
har gul kī aaḌ meñ koī vīrāna mil gayā

'hasan' jām-e-mai-e-gul-rañg le kar sochte kyā ho
agar qīmat nahīñ qīmat meñ ye dastār kaisī hai

muddat huī shabāb ke charche the shahr meñ
vo za.afrānī rañg sitam-ḳhez ab bhī hai

kyā sitam hai shab-e-vāda vo hinā malte haiñ
rañg laa.e na kahīñ ḳhūn-e-tamannā ho kar