Tags-Rang

the bazm meñ vo ġhuncha-e-afsurda sharm se
kyūñkar kahūñ bahār meñ rañg-e-ḳhizāñ na thā

havā-e-shauq ne rañg-e-hayā nikhārā thā
chaman chaman lab-o-ruḳhsār kā nazārā thā

maiñ ne ik shaḳhs kī shā.ista-mizājī ke liye
apnī har ḳhvāhish-e-ḳhush-rañg ko qurbān kiyā

na shaam hai na saverā ajab dayār meñ huuñ
maiñ ek arsa-e-be-rañg ke hisār meñ huuñ

hamārī aañkh meñ quvvat hai rañg chakhne kī
hamārī aañkh batātī hai zā.iqa mire dost

saikḌoñ rañg haiñ āñkhoñ meñ magar
zehn meñ ek hī paikar jaage

in lahū-rañg fazāoñ pe na jā baat samajh
ghar ke aaseb se bach vaqt badal jā.egā

kyuuñ kibr-o-ġhurūr is daur pe hai kyuuñ dost falak ko samjhā hai
gardish se ye apnī baaz aayā yā rañg badalnā chhoḌ diyā

ab ke mil kar dekhiye kyā rañg ho
phir hamārī justujū hone lagī

rut vasl kī aa.egī chalī jā.egī lekin
kuchh rañg to yuuñ hijr ke mausam ko milegā

ajiib jaarī huā ab ke hukm-e-hākim-e-shahr
asiir saare taraf-dār-e-rañg-o-bū kiye jaa.eñ

jahāñ pe chhāyā sahāb-e-mastī baras rahī hai sharāb-e-mastī
ġhazab hai rañg-e-shabāb-e-mastī ki rind o zāhid bahak rahe haiñ

rañg se rañg milne na paa.e kahīñ
ek ek kar ke saare nazāre uThā

ishq meñ ham ne jitne rañg apnā.e the
vahshī dhobī sab ko dhotā jaatā thā

'shumār' sāmne us ke bhī guftugū ke vaqt
jo rañg chehre pe aayā thā maiñ ne aane diyā

milā ke qatra-e-shabnam meñ rañg o nik.hat-e-gul
koī sharāb banāo bahār ke din haiñ

haiñ jauhar apne yaaro har rañg meñ numāyāñ
gar teġh haiñ to ham haiñ jallād haiñ to ham haiñ

vo kareñge vasl kā va.ada vafā
rañg gahre haiñ hamārī shaam ke