Tags-Rang

tā-marg āshnā na huā ek sabza rañg
turbat par apnī sabza-e-begāna chāhiye

ushshāq-e-sham.a-e-husn ko kyā kyā na chāhiye
parvāz-e-rañg ko par-e-parvāna chāhiye

yuuñ to hai rañg zard magar hoñT laal haiñ
sahrā kī vus.atoñ meñ kahīñ gulsitāñ to hai

the bāġh-e-zindagī ke usī se hī āb-o-rañg
dīvān-e-umr kā bhī vahī intiḳhāb thā

rafta rafta rañg laayā jazba-e-ḳhāmosh-e-ishq
vo taġhāful karte karte imtihāñ tak aa ga.e

zulf meñ ḳhushbū na thī yā rañg aariz meñ na thā
aap kis kī aarzū meñ gulsitāñ tak aa ga.e

jism hai terā rañg kī duniyā
ruup hai terā nuur kī vaadī

aaj tak tū ne zaḳhm khaa.e haiñ
rañg-afshāñ guloñ ke dhoke meñ

ulajh ke rah ga.e chehre mirī nigāhoñ meñ
kuchh itnī tezī se badle the un kī baat ke rañg

ab kī holī meñ rahā be-kār rañg
aur hī laayā firāq-e-yār rañg

phāñkī hai jab se maiñ ne tire ruup kī dhanak
ehsās rañg-o-nūr kā sail-e-ravāñ sā hai

ye rañg-e-junūn-e-ishq hai kyā is rañg-e-junūñ ko kyā kahiye
maiñ jis se mohabbat kartā huuñ ḳhud us se kinārā kartā huuñ

rañg har baat meñ bharne vaalo
qissa kuchh aage baḌhā hai ki nahīñ

chāñd sī peshāniyoñ par zarfishāñ lahroñ kā jaal
ahmarīñ uḌtā huā rañg-e-sharāb

ek bahr-e-be-karāñ kī jhilmilātī sat.h par
zau-fagan afsāna-hā-e-rañg-o-nūr

vo tirī surḳhī-e-āriz ki qarīb aa na sakī
rañg jis fikr ko bhī ḳhūn-e-jigar ne na diyā

shahr meñ rañg jamā gaañv meñ fasleñ ujḌīñ
hashr uThāyā binā mausam kī ghaTā ne kyā kyā

sho.ale meñ hai ek rañg terā
baaqī haiñ tamām rañg mere

is se pahle ki sar utar jaa.eñ
ham udāsī meñ rañg bhar jaa.eñ

mīThā tere lab kā kiyā hai mujh ko
hai rañg to surḳh is shakar kā