Tags-Rang

bāġh-e-ulfat meñ gul jo ḳhud-rav hai
ḳhūn-e-bulbul kā rañg hai bū hai

vo tamām rañg hai us se baat kyā karūñ
vo tamām ḳhvāb hai us ko haath kyā lagā.ūñ

rañg phūloñ ne chune aap se milte julte
aur batāte bhī nahīñ kaun idhar aayā thā

ḳhūñ-rañg shafaq-rañg ḳhizāñ-rañg haiñ chehre
jismoñ pe kafan hai na koī surḳh qabā hai

soḳhtagī ne ġham kī asar jo dil meñ kiyā hai hone lagā hai
thoḌā thoḌā rañg dhueñ ke sabza hamārī ḳhaak se paidā

shoḳh kaisā hai aqīq-e-surḳh ho
la.al-e-lab se rañg meñ maddham rahe

vaah kyā is gul-badan kā shoḳh hai rañg-e-badan
jāma-e-ābī agar pahnā gulābī ho gayā

naġhma hai 'nushūr' apnā afsurda-e-ġham lekin
ehsās kī mahfil meñ kuchh rañg to aayā hai

nigāh Daal dī jis par vo ho gayā andhā
nazar ne rañg-e-tasarruf dikhā.e haiñ kyā kyā

kho rahe haiñ rañg tere hoñT ke
ham-nashīñ in pe mirā bosa lagā

miTTī to sāmne kā havāla hai aur bas
kuuze meñ jitne rañg haiñ dariyā ke dam se haiñ

ye ahd-e-ġham kī nahīñ hikāyat thī is se pahle bhī aisī hālat
vahīñ pe Thahrī nigāh-e-ulfat jo rañg dekhā shikastagī kā

yakāyak ik huuk dil meñ uTThī palaT gayā rañg zindagī kā
ba-ḳhair yādash mire laboñ par abhī abhī naam thā kisī kā

dil se be-sāḳhta umDe haiñ baḌhāo kaf-e-dast
aaj aañsū ko bhī ham-rañg-e-hinā pāoge

sar-nigūñ haibat-e-jallād-o-shikoh-e-sultāñ
dīdanī daar pe thā ishq-e-sar-e-afrāz kā rañg

aam alfāz meñ poshīda ma.ānī kī taheñ
har nigāh-e-ġhalat-andāz liye raaz kā rañg

phir mulāqāt meñ hai ishq ke āġhāz kā rañg
vahī āvāz kī nik.hat vahī andāz kā rañg

hāl-e-dil chhup na sakā parda-e-ḳhāmoshī meñ
tarjumāñ dil kā banā āriz-e-ġhammāz kā rañg

aa.e mahfil meñ to larzī haiñ charāġhoñ kī laveñ
un ke dīdār se hai shoḳh gul-e-nāz kā rañg

ai soz-e-darūñ rañg-e-vafā aur hī kuchh hai
ab dil ke dhaḌakne kī sadā aur hī kuchh hai