Tags-Rang

pathrā.ī āñkhoñ meñ dekho kyā kyā rañg dikhātā aañsū
Thahar gayā to ik qatra sā bah niklā to dariyā aañsū

jo rañg baañT ke jaatā hai tinke tinke ko
adū zamīñ kā yahī āftāb niklegā

surḳhī-e-ḳhūñ meñ chamak hai ki mirī āñkhoñ meñ
roz vo rañg dikhātā hai nirāle mujh ko

ik na.e rañg se taz.īn-e-gulistāñ kar leñ
laakh ho daur-e-ḳhizāñ jashn-e-bahārāñ kar leñ

phūloñ meñ tirā rañg hai kāñToñ meñ tirī nok
ye husn tirā hai ki mirā husn-e-nazar hai

vo shaam kī sūrat hai na vo rañg-e-sahar hai
kis kaukab-e-manhūs kā yārab ye asar hai

rañg-o-bū ke parde meñ kaun ye ḳhirāmāñ hai
har nafas mo.attar hai har nazar ġhazal-ḳhvāñ hai

girī gir kar uThī palTī to jo kuchh thā uThā laa.ī
nazar kyā kīmiyā thī rañg chehroñ se uḌā laa.ī

phuul apnī tamāzat se sañvlā ga.e
laakh phailā rahā dāman-e-rañg-o-bū

magar ek dhun to lagī rahī na ye dil dukhā na gila huā
ki nigah ko rañg-e-bahār par koī iḳhtiyār kahāñ rahā

safar meñ tark-e-masāfat pe dil huā maa.il
masāfatoñ meñ khule apne ghar ke kyā kyā rañg

fazā ḳhamosh huī phir bhī raqs karte haiñ
navāh-e-jāñ meñ kisī kī nazar ke kyā kyā rañg

sar-e-visāl tire kaif-o-kam se zāhir haiñ
mirī nazar pe kaf-e-kūza-gar ke kyā kyā rañg

utar rahe haiñ mirī hairatoñ ke āñgan meñ
farāz-e-shab se tulū-e-sahar ke kyā kyā rañg

tujhe ḳhabar nahīñ pahlū-e-mausam-e-gul se
chhalak rahe haiñ tirī chashm-e-tar ke kyā kyā rañg

gumāñ bahār kā hotā hai ab ḳhizāñ pe 'razī'
churā liye haiñ ḳhizāñ ne shajar ke kyā kyā rañg

hinā ke qaus-e-quzah ke shajar ke kyā kyā rañg
vo aañkh laa.ī hai zanjīr kar ke kyā kyā rañg

ye raas rañg ye mel milan ik haath meñ chāñd ik meñ sūraj
ik raat kā mauj maza saarā ik din kā sair-sapāTā hai

shikast-e-rañg-e-ruḳh ā.ina-e-be-tābī-e-dil hai
zarā dekho to kyuuñ kar ġham-zadoñ kā dam nikaltā hai

go ki sau rañg gulistān meñ dikhlā.e bahār
na kareñ gul ko tire tālib-e-dīdār pasand