Tags-Rang

lahū jo mushtāq vasl kā thā chhuTā na qadmoñ se us ke hargiz
agarche dho dho ke us ne kitnā ba-shakl-e-rañg-e-hinā chhuḌāyā

sitāra aañkh meñ dil meñ gulāb kyā rakhnā
ki Dhaltī umr meñ rañg-e-shabāb kyā rakhnā

ye kahtī hai hazrat kī rīsh-e-hinā.ī
'riyāz' ab bhī haiñ rañg laane ke qābil

javānī kā ab rañg kuchh aa chalā hai
vo ab ho chale haiñ satāne ke qābil

hinā ban ke maiñ chuum luuñ dast-e-nāzuk
tire haath haiñ rañg laane ke qābil

āsmāñ se aane vaale saat rañg
the kisī ke, aa ke utre, par kahīñ

aur kuchh ḳhuun ho ḳhush-rañg to dil meñ rokūñ
aur kuchh ḳhaak ho pāmāl to sar meñ le jā.ūñ

guzar sā gayā sāneha kyā chaman meñ
guloñ par jo rañg-e-malāl aa rahā hai

aaj yādoñ ne ajab rañg bikhere dil meñ
muskurāte haiñ sar-e-shām savere dil meñ

tere gāloñ ke muqābil dil meñ hasrat rah ga.ī
ek din to ham shafaq kā rañg gahrā dekhte

is jahān-e-rañg-o-bū meñ dekhne ko kyā rahā
tujh ko dekhā aur in āñkhoñ se ham kyā dekhte

zaḳhmoñ ke ḳhūñ-rañg ujāle mujh ko hī marġhūb sahī
kaun hai in zaḳhmoñ meñ farozāñ maiñ bhī sochūñ tū bhī soch

pichhle mausam meñ sabhī girya-kunāñ the magar ab
chashm-e-ḳhūñ-rañg meñ sailāb rukā ho goyā

qafas azaab sahī bulbul-e-asīr magar
zarā ye soch ki vo dām-e-rañg-o-bū kyā hai

'sirāj' ab bhī ye aqlīm-e-rañg-o-bū hai bahut
luTī-luTā.ī huī jo bahār baaqī hai

mazā ustād ke sheroñ kā ham ko 'shād' aatā hai
vo hai tarz-e-suḳhan apnī vo hai rañg-e-bayāñ apnā

ye ḳhuun rañg-e-chaman meñ badal bhī saktā hai
zarā Thahar ki badal jā.eñge ye manzar bhī

vo mausam hai ki ḳhūbān-e-chaman bante-sañvarte haiñ
ye aalam hai ki jaise rañg tasvīroñ meñ bharte haiñ

aisī uftād paḌī apnī ḳhabar bhī na rahī
ham to aa.e the yahāñ rañg jamāne tere

yā to titlī bhūlī un par rañg apne
yā rañgoñ ne haaT lagā.ī bādal par