Tags-Rang

sab se achchhā sab se nyārā
rañg tirañgā pyārā pyārā

ham ko kyā mauj-e-fanā se ḳhauf aa.egā
muntazir ham ḳhud zavāl-e-rañg-e-jāñ ke haiñ

rañg saare apne andar raftagāñ ke haiñ
ham ki barg-e-rā.egāñ naḳhl-e-ziyāñ ke haiñ

kisī mor-nāch kā rañg bhī tirī aañkh ko na lubhā sakā
koī zard zard sā ḳhvāb thā tirī putliyoñ meñ khudā huā

mirī por por pe titliyāñ ka.ī rañg chhoḌ ke jā chukīñ
tire zikr kā koī phuul thā mare rat-jagoñ meñ khilā huā

mahak rahe haiñ gul-e-zaḳhm-e-ārzū har pal
mirī hayāt ke sab rañg zāfrān se haiñ

fazā meñ kaif-fashāñ phir sahāb hai saaqī
phir apne rañg pe daur-e-shabāb hai saaqī

jaane kyā rañg chaman kā hai dam-e-sub.h-e-firāq
gul khile haiñ ki nahīñ bād-e-sabā hai ki nahīñ

rañg judā karne ke liye chashm-o-lab ke
qaus-e-quzah andhoñ meñ rakkhī jaatī hai

ḳhizāñ kā rañg hai kaisā suhānā
na patta peḌ se koī jhaḌā hai

lo āshiyān-e-tan kī taraf mel tak nahīñ
dekho mizāj tā.ir-e-rañg-parīda ke

rañg hai ḳhushbū bhī hai saaya bhī hai
kis nagar ''ai peḌ tere phal ga.e

bachche bhī ab dekh ke us ko hañste haiñ
us ke muñh par rañg birañge saa.e haiñ

sub.h kī tarah vo be-rañg hai ab
'shām' kī tarah jise chāhā thā

garm haiñ rañg ke bāzār yahāñ
itnā sannāTā kahāñ hotā thā

rañg-e-pairāhan-e-ehsās thī tū
maiñ nigāh-e-talab-e-tishna thā

ek sūrat tirī banāne meñ
rañg masrūf haiñ zamāne meñ

maiñ ik firāq-zada aur nayā nayā tirā ishq
so ḳhuub rañg jamegā na.e-purāne meñ

kahtā hai misl-e-saiqal-e-ā.īna sher ko
apne meñ koī rañg 'razā' gholne na de

ḳhālī latāfatoñ se talavvun tirā nahīñ
sān.e.a ne tujh meñ rañg sab ai jaan bhar diye