Tags-Rang

vafā kā zikr chhiḌā thā ki raat biit ga.ī
abhī to rañg jamā thā ki raat biit ga.ī

jo dekhā kaliyoñ ko tujh par nisār hote hue
to rañg ban ke fazā meñ bikhar ga.e ham bhī

yak-rañg kahāñ hotī hai insān kī fitrat
har phuul kī ḳhushbū hai alag rañg judā hai

mausam-e-gul meñ yahīñ josh-e-junūñ kī hai bahār
rañg lā kar ā.eñge sau baar qaisar-bāġh meñ

rañg hai ai sāqī-e-sarshār qiasar-bāġh meñ
phuul piite haiñ tire mai-ḳhvār qiasar-bāġh meñ

chehre pe ek ke bhī na paayā vafā kā rañg
ahl-e-jahāñ kā ḳhuun huā sar-ba-sar saped

rañg be-rañg huā Duub ga.iiñ āvāzeñ
ret hī ret hai ab laash uThā.ī jaa.e

yak-rañg meñ saikaḌoñ rañg hote haiñ
halke, gahre, maddham shaffāf

'zafar' ab ke suḳhan kī sarzamīñ par hai ye mausam
bayāñ ġhā.eb hai aur rañg-e-bayāñ phailā huā hai

ye āsmāñ ke badle hue rañg ġhaur kar
in mausamoñ ke biphre hue tevaroñ ko dekh

maiñ huuñ tirā hī aks mire rañg par na jā
āñkhoñ meñ jhāñk apnī hī tanhā.iyoñ ko dekh

rañg-e-ālam badal rahā hai 'hazīñ'
nahīñ ma.alūm kyā se kyā ho jaa.eñ

dekh zindāñ se pare rañg-e-chaman josh-e-bahār
raqs karnā hai to phir paañv kī zanjīr na dekh

us ne is tarah utārī mire ġham kī tasvīr
rañg mahfūz to rah jaa.eñ pa manzar na rahe

lagātī hai gale se sham.a us ko maiñ samajhtā huuñ
fanā ho kar baqā ke rañg meñ parvāna aatā hai

shafaq se mai barastī hai ajab gul-rañg hai aalam
nazar meñ merī sūraj sūrat-e-paimāna aatā hai

suroñ meñ kibr-o-ġhurūr kyuuñ hai diloñ ke shīshe ye rañg kyuuñ hai
ḳhudā-e-bartar tirī zamīñ par zamīñ kī ḳhātir ye jañg kyuuñ hai

ḳhudā-e-bartar tirī zamīñ par zamīñ kī ḳhātir ye jañg kyuuñ hai
har ek fat.h-o-zafar ke dāman pe ḳhūn-e-insān kā rañg kyuuñ hai

kuchh shafaq Dūbte sūraj kī bachā lī jaa.e
rañg-e-imkāñ se koī shakl banā lī jaa.e

maut bhartī jā rahī hai apne rañg
zindagī miTtī huī tasvīr hai