Tags-Rang

raat kī raat bū-e-gul kūza-e-gul meñ bas ga.ī
rañg-e-hazār mai-kada rūh-e-sifāl le ga.ī

rañg kyā qadd-ḳhamīda kā khile
chhalle ke gul se khilā jaatā nahīñ

murde se bad-tar huuñ go jiitā huuñ maiñ
rañg-e-hastī meñ milā jaatā nahīñ

jo ahl-e-dil haiñ vahī āzmā.e jaate haiñ
ajiib rañg hai qudrat ke kār-ḳhāne kā

ġhazloñ meñ vaise to sach kahtā huuñ lekin
kuchh na kuchh to rañg-āmezī ho jaatī hai

mire ḳhudā mujhe taufīq sar-kashī diide
ḳhizāñ hai sāmne kuchh zikr-e-rañg-o-bū kar luuñ

āshiq ke rañg-e-zard ko dekho to hañs paḌo
tāsīr us meñ bhī hai vo jo za.afarāñ meñ hai

sāvan kī rut aa pahuñchī kaale bādal chhā.eñge
kaliyāñ rañg meñ bhīgeñgī phūloñ meñ ras ā.eñge

gul khilāte haiñ nayā roz ye rishte-nāte
roz hī ḳhuun kā ik rañg nayā dekhtā huuñ

ḳhuun jab ashk meñ Dhaltā hai ġhazal hotī hai
jab bhī dil rañg badaltā hai ġhazal hotī hai

laayā hai rañg phir gul-e-dāġh-e-junūñ mirā
shāyad nuzūl-e-nayyar-e-āzam hamal meñ hai

lahū se pahle gulistāñ ko kījiye sairāb
phir us ke ba.ad tamannā-e-rañg-o-bū kiije

udhar ke saare tamāshoñ ke rañg dekh chuke
ab is taraf bhī kisī roz mar ke dekhā jaa.e

ye ahd-e-javānī shoḳhī-e-gul do din kī bahāreñ hotī haiñ
dekheñ to kabhī vo rañg-e-ḳhizāñ jo husn pe nāzāñ hote haiñ

ab hinā.ī dast kī hoñgī ijāra-dāriyāñ
aañkh meñ shabnam jabīñ ke nuur meñ rañg-e-shu.ūr

rañg us mahfil-e-tamkīñ meñ jamāyā na gayā
ḳhāmushī se bhī mirā haal sunāyā na gayā

apne hī zauq-e-tabassum meñ giraftār-o-asīr
zard chehre pe mile ġhāza-e-gul-e-rañg kī dhuul

āñkheñ kahe detī haiñ ki dil saaf nahīñ hai
miltā hai vo is rañg se goyā nahīñ miltā

simTā tirā ḳhayāl to gul-rañg ashk thā
phailā to misl-e-dasht-e-vafā phailtā gayā

hañsī meñ vo baat maiñ ne kah dī ki rah ga.e aap dañg ho kar
chhupā huā thā jo raaz dil meñ khulā vo chehre kā rañg ho kar